ឯកឧត្តម ខាន់ វណ្ណៈ ចូលរួមសិក្ខាសាលាពិគ្រោះយោបល់ លើគោលការណ៍ណែនាំស្តីពី «ការគ្រប់គ្រងផ្អែកលើលទ្ធផល ក្រោមកម្មវិធីកែទម្រង់ការគ្រប់គ្រង ហិរញ្ញវត្ថុសាធារណៈ»
ភ្នំពេញ៖ ឯកឧត្តម ខាន់ វណ្ណៈ រដ្ឋលេខាធិការក្រសួងយុត្តិធម៌ តាមការចាត់តាំងពី ឯកឧត្តមរដ្ឋមន្ត្រី នាថ្ងៃទី១៣ ខែតុលា ឆ្នាំ២០២២ បានអញ្ជើញចូលរួមសិក្ខាសាលា ពិគ្រោះយោបល់លើគោលការណ៍ណែនាំស្តីពី «ការគ្រប់គ្រងផ្អែកលើលទ្ធផល ក្រោមកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ»។
កម្មវិធីនេះរៀបចំឡើងក្នុងគោលបំណង ផ្សព្វផ្សាយ ណែនាំ និងប្រមូលធាតុចូល ដើម្បីតម្រង់ទិស និងលើកកម្ពស់ប្រសិទ្ធភាពនៃការអនុវត្ត និងការរៀបចំ ដោយផ្អែកលើលទ្ធផលរបស់អង្គភាពអនុវត្តគម្រោង ក្នុងន័យលើកកម្ពស់ភាពម្ចាស់ការលើការងារកែទម្រង់ នវានុវត្តន៍ និងការទទួលខុសត្រូវរបស់គ្រប់អង្គភាព ដើម្បីសម្រេចបានចក្ខុវិស័យនៃកម្មវិធីការងារកែទម្រង់ការគ្រប់គ្រងហិរញ្ញវត្ថុសាធារណៈ ប្រកបដោយប្រសិទ្ធភាព និងស័ក្តិភាពបន្ថែមទៀត ៕
