ឯកឧត្តម ថង សាវុន និងឯកឧត្តម ម៉ែន ង៉ុយ អញ្ជើញប្រារព្ធទិវាមនុស្សចាស់កម្ពុជា និងទិវាមនុស្សចាស់អន្តរជាតិ ១តុលា
ភ្នំពេញ៖ ឯកឧត្តម ថង សាវុន អភិបាលខេត្តមណ្ឌលគិរី និងឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត នាថ្ងៃទី១៤ ខែតុលា ឆ្នាំ២០២២នេះ បានអញ្ជើញជាគណៈអធិបតី ក្នុងពិធីទិវាមនុស្សចាស់កម្ពុជា និងទិវាមនុស្សចាស់អន្តរជាតិ ១តុលា នៅសាលាស្រុកពេជ្រាដា ដែលរៀបចំដោយ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តមណ្ឌលគិរី។
ពិធីប្រព្រឹត្តទៅដោយមានការអញ្ជើញចូលរួមពីសំណាក់ លោកស្រី អភិបាលរងខេត្ត លោកនាយករងរដ្ឋបាលសាលាខេត្ត មេបញ្ជាការ បញ្ជាការរងកងកម្លាំងប្រដាប់អាវុធទាំង៣ប្រភេទ លោក លោកស្រី ប្រធានមន្ទីរអង្គភាពពាក់ព័ន្ធ អាជ្ញាធរស្រុកពេជ្រាដាគ្រប់លំដាប់ថ្នាក់ និងអតីតយុទ្ធជនជាច្រើននាក់។
នៅក្នុងពិធីនេះ ថ្នាក់ដឹកនាំខេត្ត បានចែកជូននូវ គ្រឿងឧបភោភបរិភោគ និងថវិកាមួយចំនួនដល់អតីតយុទ្ធជនចំនួន ១០០គ្រួសារ រស់នៅក្នុងស្រុកពេជ្រាដា ដោយក្នុងមួយគ្រួសារទទួលបាន៖ អង្ករចំនួន ២០គីឡូក្រាម មី ១កេស ត្រីខ១យួរ ទឹកស៊ីអ៊ីវ ១យួរ និងថវិកាចំនួន ៣០.០០០រៀល ៕