បង្រ្កាបករណីគ្រឿងញៀនជាក់ស្តែង នៅស្រុកគីរីវង់ ខេត្តតាកែវ ឃាត់ខ្លួនជនសង្ស័យចំនួន ៤នាក់

ភ្នំពេញ៖ កម្លាំងការិយាល័យគ្រឿងញៀន ដឹកនាំដោយលោក វរសេនីយ៏ឯក ង៉ែត ចាន់ធី មេបញ្ជាការរង ទទួលមន្ទីរស្រាវជ្រាវនិងបង្រ្កាបបទល្មើស ដោយបានទទួលបទបញ្ជា ពីលោកឧត្តមសេនីយ៍ត្រី សេង មហា មេបញ្ជាការខេត្ត និងសម្របសម្រួលនីតិវិធី ពីឯកឧត្តម ឯក ឆេងហួត ព្រះរាជអាជ្ញា អមសាលាដំបូងខេត្តតាកែវ កាលពីថ្ងៃទី១៤ ខែតុលាឆ្នាំ២០២២ បានចុះបង្រ្កាបករណីគ្រឿងញៀនជាក់ស្តែង ចំណុចរោងទុកចោល ស្ថិតនៅភូមិបាម ឃុំគោកព្រិច ស្រុកគីរីវង់ ខេត្តតាកែវ។

ជាលទ្ធផលឃាត់ខ្លួនជនសង្ស័យបានចំនួន០៤នាក់
១ – ឈ្មោះ ជ្រុន វណ្ណដួង ភេទប្រុសអាយុ ២៧ ឆ្នាំ ជនជាតិខ្មែរមុខរបរ មិនពិតប្រាកដ (ជាអ្នកជួញដូរគ្រឿងញៀននិងរក្សាទុក ប្រើប្រាស់) រស់នៅភូមិសង្កែបង្វែ ឃុំភ្នំកុង ស្រុកអង្គរជ័យ ខេត្តកំពត

២- ឈ្មោះ ហម ឌល ភេទប្រុសអាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ (ប្រើប្រាស់)
រស់នៅភូមិត្រពាំងរាំង ឃុំតានី ស្រុកអង្គរជ័យ ខេត្តកំពត

៣ – ឈ្មោះ កែ ធ្មេញ ភេទប្រុសអាយុ ២២ ឆ្នាំ ជនជាតិខ្មែរ មុខរបរ មិនពិតប្រាកដ ( ប្រើប្រាស់) រស់នៅភូមិភូមិពោធិ៍ ឃុំគោកព្រិច ស្រុកគីរីវង់ តាកែវ ។

៤-ឈ្មោះ ទុយ សុខគា ភេទប្រុស អាយុ ២៧ ឆ្នាំជនជាតិខ្មែរ មុខរបរមិនពិតប្រាកដ ( ប្រើប្រាស់ ) រស់នៅភូមិត្រាល ឃុំតានី ស្រុកអង្គរជ័យ ខេត្តកំពត។

ដកហូតវត្ថុតាងរួមមាន:
– ម្សៅក្រាមពណ៏សថ្លាចំនួន ០៧ កញ្ចប់ (ធំ០១កញ្ជប់ )ទម្ងន់ = ៤៤.៤៨ក្រាម
( ថ្លឹងទាំងសម្បកថង់ )
-សម្ភារៈវេចខ្ចប់និងសម្ភារៈសេពថ្នាំញៀនមួយចំនួន
– ម៉ូតូចំនួន០២គ្រឿងម៉ាកហុងដា C125ពណ៌ខ្មៅសេរី015ស្លាកលេខកំពត 1H 6623និង C125ពណ៍ ខ្មៅសេរី016ស្លាកលេខភ្នំពេញ 1FX 7948 ។
– ជនសង្ស័យទាំងបួននាក់បានធ្វើតេស្តទឹកនោមរកសារធាតុញៀន

បច្ចុប្បន្នជនសង្ស័យនិងវត្ថុតាងត្រូវបានរក្សាទុក ឃាត់ខ្លួនបណ្ដោះអាសន្ននៅទីបញ្ជាការអាវុធហត្ថខេត្ត ជំនាញកំពង់សាកសួរកសាងសំណុំរឿងបញ្ជូនទៅសាលាដំបូងខេត្តចាត់ការតាមផ្លូវច្បាប់៕