នាយករដ្ឋមន្ត្រី ឲ្យអភិបាលខេត្តបាត់ដំបង និងប៉ៃលិន ពន្លឿននីតិវិធីបែងចែក ភូមិសាស្ត្រព្រំប្រទល់រវាងខេត្តទាំងពីរ
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានណែនាំឲ្យឯកឧត្ដម សុខ លូ អភិបាលខេត្តបាត់ដំបង និងលោកជំទាវ បាន ស្រីមុំ អភិបាលខេត្តប៉ៃលិន ពន្លឿននីតិវិធីបែងចែកភូមិសាស្ត្រព្រំប្រទល់ រវាងខេត្តទាំងពីរ ។
ក្នុងពិធីប្រគល់សញ្ញាបត្រ ដល់និស្សិតនៃសាកលវិទ្យាល័យជាតិគ្រប់គ្រង ចំនួន ៦,៤១១ នាក់ នាថ្ងៃទី១៧ តុលានេះ សម្តេចតេជោ ហ៊ុន សែន បានបង្ហើបឲ្យដឹងថា ការដែលមិនអាចកំណត់ព្រំប្រទល់ខេត្តទាំងពីរ ដោយសារមានអ្នកធំមានដីនៅកន្លែងនោះ មិនចង់ឱ្យមានការកាត់ទៅប៉ៃលិន ហើយព្យាយាមបង្កការរាំងស្ទះ ៕
