លោក ពូទីន ពិនិត្យមើលការហ្វឹកហ្វឺនកងកម្លាំងដែលបានចល័តថ្មី
មូស្គូ៖ វិមានក្រឹមឡាំងបានអោយដឹងនៅក្នុងសេចក្តីថ្លែងការណ៍មួយថា ប្រធានាធិបតីរុស្ស៊ីលោក វ្ល៉ាឌីមៀ ពូទីន នៅថ្ងៃព្រហស្បតិ៍បានត្រួតពិនិត្យការបណ្តុះបណ្តាលបុគ្គលិកដែលទើបនឹងបង្កើតថ្មីដែលនឹងចូលរួមក្នុងប្រតិបត្តិការយោធាពិសេសនៅអ៊ុយក្រែន។
សេចក្តីថ្លែងការណ៍បានបញ្ជាក់ថា អង្គភាពយោធា និងកងកម្លាំងដែលបានចល័តថ្មីកំពុងធ្វើការហ្វឹកហ្វឺនប្រយុទ្ធរួមគ្នា ដើម្បីត្រៀមសម្រាប់បេសកកម្មក្នុងអំឡុងពេលប្រតិបត្តិការយោធាពិសេស។
សេចក្តីថ្លែងការណ៍បានបន្តថា លោក ពូទីន បានមើលលំហាត់ជាក់ស្តែងរបស់សិក្ខាកាម ដើម្បីពង្រឹងយុទ្ធសាស្ត្រ បាញ់ វិស្វកម្ម និងជំនាញវេជ្ជសាស្រ្តរបស់ពួកគេនៅឯកន្លែងហ្វឹកហាត់យោធាខាងលិចក្នុងតំបន់ Ryazan ។
នៅថ្ងៃទី ២១ ខែកញ្ញាលោកពូទីនបានចុះហត្ថលេខាលើក្រឹត្យស្តីពីការចល័តដោយផ្នែកនៅក្នុងប្រទេស។
