នាយករដ្ឋមន្ត្រី ណែនាំឲ្យសង់ប៉ាឆានៅវត្ត ក្នុងតំបន់រុនតាឯក និងពាក់ស្នែង

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានណែនាំឲ្យសាងសង់ប៉ាឆានៅវត្ត ក្នុងតំបន់អភិវឌ្ឍន៍រុនតាឯក និងពាក់ស្នែង ដើម្បីជួយសម្រួលដល់បងប្អូន ប្រជាពលរដ្ឋរៀបចំបូជាសព និងធ្វើបុណ្យទាន ។

ក្នុងឱកាសបន្តជួបសំណេះសំណាល ជាមួយពលរដ្ឋស្ម័គ្រចិត្តរើចេញ ពីតំបន់រមណីយដ្ឋានអង្គរ ទៅរស់នៅតំបន់ពាក់ស្នែង នាថ្ងៃទី២២ តុលា សម្ដេចតេជោ ហ៊ុន សែន បានថ្លែងអំណរគុណបណ្ឌិត រ័ត្ន សណ្តាប់ ដែលបានស្រាវជ្រាវប្រវត្តិ ពាក់ព័ន្ធតំបន់ពាក់ស្នែង ។

សម្តេចតេជោមានប្រសាសន៍ថា មានផ្លូវ២ខ្សែកាត់តំបន់ពាក់ស្នែង ត្រូវបានសិក្សាសាងសង់។ ក្នុងនោះផ្លូវមួយមានប្រវែងជាង ៥៥គីឡូម៉ែត្រ តម្លៃ ៤៦លានដុល្លារ និងមួយខ្សែទៀតប្រវែង ៤៦គីឡូម៉ែត្រ គ្រោងប្រើថវិកាជាង ៩៤លានដុល្លារ។

សម្តេចតេជោ សម្រេចឱសាងសង់ហេដ្ឋារចនាសម្ព័ន្ធនានា នៅតំបន់ពាក់ស្នែង រួមមានផ្លូវ មន្ទីរពេទ្យ សាលារៀន និងផ្សារទំហំប្រមាណ ៣.៥ហិកតា ៕