សម្ដេចតេជោ នឹងអញ្ជើញសំណេះសំណាលចែកពូជស្រូវ និងស្បៀងអាហារ ជូនពលរដ្ឋនៅខេត្តកំពង់ធំ នៅថ្ងៃ២៩ តុលា
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងឲ្យដឹងថា នៅថ្ងៃទី២៩ ខែតុលាខាងមុខនេះ សម្ដេចនឹងអញ្ជើញជួបសំណេះសំណាជាមួយ បងប្អូនប្រជាពលរដ្ឋ នៅខេត្តកំពង់ធំ ដើម្បីចែកពូជស្រូវ និងស្បៀងអាហារ។
ក្នុងឱកាសបន្តជួបសំណេះសំណាល ជាមួយពលរដ្ឋស្ម័គ្រចិត្តរើចេញ ពីតំបន់រមណីយដ្ឋានអង្គរ ទៅរស់នៅតំបន់ពាក់ស្នែង នាថ្ងៃទី២២ តុលា សម្ដេចតេជោ ហ៊ុន សែន បានថ្លែងអំណរគុណសម្តេចព្រះសង្ឃ នៃគណៈសង្ឃនាយក និងសប្បុរសជននានា ដែលបានឧបត្ថម្ភស្បៀង និងថវិកានានា ដើម្បីដោះស្រាយបញ្ហាគ្រោះទឹកជំនន់។
សម្តេចតេជោ ក៏បានណែនាំដល់អាជ្ញាធរតាមខេត្តនានា ឱ្យចាត់ចែងចែកស្បៀង និងថវិកាជូនពលរដ្ឋរងគ្រោះ ដោយមិនចាំបាច់រង់ចាំវត្តមានសម្តេចទេ ៕
