កម្លាំងនគរបាលខេត្តព្រះសីហនុ ឃាត់ខ្លួនជនជាតិចិនតៃវ៉ាន់ ២នាក់ ករណីផ្ទុះអាវុធជាច្រើនគ្រាប់
ភ្នំពេញ៖ កម្លាំងជំនាញ នៃស្នងការដ្ឋាននគរបាលខេត្តព្រះសីហនុ នៅថ្ងៃទី២៤ ខែតុលា ឆ្នាំ២០២២ វេលាម៉ោង៥ និង៣០នាទីព្រឹក បានទទួលពត៌មានថា នៅក្បែរអគារក្រុមហ៊ុនមួយកន្លែង ដែលមានទីតាំងស្ថិតនៅ ភូមិ១ សង្កាត់៣ ក្រុង-ខេត្តព្រះសីហនុ មានករណីផ្ទុះអាវុធជាច្រើនគ្រាប់ ។
បន្ទាប់ពីទទួលបានពត៌មាននេះភ្លាម រយៈពេលជាង២ម៉ោង កម្លាំងជំនាញផែនការងារនគរបាលព្រហ្មទណ្ឌ បានធ្វើការស្រាវជ្រាវចាប់ឃាត់ខ្លួនបានជនសង្ស័យចំនួន ២នាក់ ភេទប្រុស ជនជាតិចិនតៃវ៉ាន់ ។
វត្ថុតាងដកហូតបានរួមមាន៖ អាវុធខ្លីចំនួន ០២ដើម ៖ ១-ម៉ាក Glock 43 ពណ៌ខ្មៅ លេខៈ BTMB677 បង់២ គ្មានគ្រាប់, ២-ម៉ាក Glock 19 ពណ៌ប្រផេះ លេខៈ AFPC642 ,បង់២ មាន ១២គ្រាប់ (9mm) , គ្រាប់កាំភ្លើងប្រភេទ 9mm ចំនួន ២៩គ្រាប់, ខ្នោះដៃ ០២គូរ, ម្សៅក្រាម ០៣កញ្ចប់តូច (សង្ស័យជាសារធាតុញៀន), ជញ្ជីងថ្លឹង ០១គ្រឿង, សម្ភារផ្សេងៗមួយចំនួន ។
ចំពោះករណីនេះ ការិយាល័យនគរបាលព្រហហ្មទណ្ឌកម្រិតស្រាល កំពុងបន្តនីតិវិធី៕
