សម្តេច សាយ ឈុំ អនុញ្ញាតឲ្យមន្ត្រីរាជការ ជុំវិញស្ថានទូតខ្មែរ ប្រចាំនៅវៀតណាម ចូលជួបសំណេះសំណាល និងសម្តែងការគួរសម

ហាណូយ៖ នាព្រឹកថ្ងៃពុធ ទី២៦ ខែតុលា ឆ្នាំ២០២២ នៅសណ្ឋាគារ Sheraton Hanoi គឺជាថ្ងៃទី៣ នៃការស្នាក់អាស្រ័យ និងបំពេញទស្សនកិច្ចផ្លូវការ របស់គណៈប្រតិភូជាន់ខ្ពស់ព្រឹទ្ធសភា និងជាថ្ងៃបញ្ចប់ នៃការបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានអនុញ្ញាតអោយមន្ត្រីរាជការ ជុំវិញស្ថានទូត ដែលដឹកនាំដោយ ឯកឧត្តម ឆាយ ណាវុធ ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋសង្គមនិយមវៀតណាម ចូលជួបសំណេះសំណាល និងសម្តែងការគួរសម។

បន្ទាប់មក សម្តេចប្រធានព្រឹទ្ធសភា បានអញ្ជើញចុះហត្ថលេខាលើសៀវភៅក្រាំងមាស​របស់សណ្ឋាគារ Sheraton Hanoi ទុកជាកម្រងអនុស្សាវរីយ៍ ផងដែរ ៕