អភិបាលខេត្តតាកែវ នាំយកស្រូវពូជដែលជាអំណោយរបស់រាជរដ្ឋាភិបាលកម្ពុជា ចែកជូនដល់ប្រជាពលរដ្ឋក្នុងស្រុកបាទី ចំនួន ១៦០គ្រួសារ
ភ្នំពេញ៖ ឯកឧត្តម អ៊ូច ភា អភិបាល នៃគណៈអភិបាលខេត្ត តាកែវ រួមជាមួយមន្ទីរជំនាញកសិកម្មខេត្ត និងលោក ភួន ឈីម អភិបាល នៃគណៈអភិបាលស្រុកបាទី នារសៀលថ្ងៃទី ២៧ខែតុលា ឆ្នាំ ២០២២នេះ បាននាំយកស្រូវពូជ ដែលជា អំណោយរបស់រាជរដ្ឋាភិបាលកម្ពុជា ចែកជូនដល់បងប្អូនប្រជាពលរដ្ឋដែលរងការខូចខាតផលដំណាំស្រូវដោយសារតែទឹកជំនន់ជនលិច នៅស្រុកបាទីចំនួន១៦០ គ្រួសារ ដោយក្នុងមួយគ្រួសារៗទទួល បានស្រូវពូជ ១០០ គីឡូក្រាម សម្រាប់ស្តារនៅផលដំណាំស្រូវរបស់ខ្លួនឡេីងវិញ ដែលមកពីរឃុំដូង ១៤៥គ្រួសារនិង ឃុំពារាម១៥គ្រួសារ ។
មានប្រសាសន៍លើកឡើងក្នុងឱកាសនោះផងដែរ ឯកឧត្តមអភិបាលខេត្ត បានឲ្យដឹងថា ការផ្តល់ជូនពូជ ស្រូវនៅថ្ងៃនេះ គឺដោយសារមានការយកចិត្តទុកដាក់ខ្ពស់ពីសំណាក់រាជរដ្ឋាភិបាល ដែលមានសម្តេចជោ នាយករដ្ឋមន្ត្រីជាប្រមុខ ដែលតែងតែយកចិត្តទុកដាក់ ដោះស្រាយរាល់ទុកលំបាករបស់បងប្អូនប្រជាពលរដ្ឋ ក្នុងការស្តារឡើង វិញ នូវដំណាំស្រូវរបស់បងប្អូនដែលខូចខាតដោយសារទឹក ជន់លិចកន្លងមក ឲ្យបានភោគផលល្អប្រសើរឡើងវិញ ទុកសម្រាប់ផ្គត់ផ្គង់ក្នុងក្រុមគ្រួមសារ បានហូបចុកគ្រប់គ្រាន់បន្តទៅមុខទៀត។
ឆ្លៀតក្នុងឱកាសនោះផងដែរ ឯកឧត្តមអភិបាលខេត្ត ក៏បានក្រើន រំលឹកទៅដល់បងប្អូនប្រជាពលរដ្ឋទាំងអស់ សូមពិនិត្យ មើលអត្តសញ្ញាណប័ណ្ណ ឬប័ណ្ណសំគាល់ខ្លួនរបស់បងប្អូន ដែលផុតកំណត់ ឬជិតផុតកំណត់ រុសរាន់ទៅប្តូរថ្មីឡើងវិញ ព្រោះអត្តសញ្ញាណវាពិតជាមានសារៈសំខាន់ណាស់សម្រាប់បងប្អូនគ្រប់ៗគ្នា ៕
