ឯកឧត្តម ងួន រតនៈ បន្តចុះត្រួតពិនិត្យទីតាំងបន្ថែមទៀត ដើម្បីរៀបចំពូជស្រូវ និងស្បៀង សម្រាប់ចែកជូនប្រជាពលរដ្ឋ ចំនួន ៦.៨៤៤គ្រួសារ
ភ្នំពេញ៖ ឯកឧត្តម ងួន រតនៈ អភិបាលខេត្តកំពង់ធំ និងសហការី នាព្រឹកថ្ងៃទី២៧ ខែតុលា ឆ្នាំ២០២២ បានបន្តចុះត្រួតពិនិត្យទីតាំងបន្ថែមទៀត ដើម្បីរៀបចំពូជស្រូវ និងស្បៀង ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្រាប់ចែកជូនប្រជាពលរដ្ឋ ចំនួន ៦.៨៤៤គ្រួសារ ដែលរងផលប៉ះពាល់ដោយជំនន់ទឹកភ្លៀង នាពេលកន្លងមក ក្នុងខេត្ត។
កម្មវិធីនេះនឹងប្រព្រឹត្តទៅនៅថ្ងៃទី ២៩ ខែតុលា ឆ្នាំ២០២២ ដែលមានទីតាំងស្ថិតនៅស្តាតថ្មី ភូមិរូង ឃុំត្រពាំឫស្សី ស្រុកកំពង់ស្វាយ ខេត្តកំពង់ធំ ។
