ឯកឧត្តម ម៉ៅ ធនិន និង ឯកឧត្តម ជឹង ផល្លា អញ្ចើញជួប សំណេះសំណាលជាមួយ កម្មករ កម្មការនី នៅតាមបណ្ដារោងចក្រ សហគ្រាសនានា
ភ្នំពេញ៖ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត និង ឯកឧត្ត ជឹង ផល្លា ប្រធាន ក្រុមប្រឹក្សាខេត្ត នាព្រឹកថ្ងៃទីអាទិត្យ ៦កើត ខែកត្តិក ឆ្នាំខាល ចត្វាស័ក ព.ស ២៥៦៦
ត្រូវនឹងថ្ងៃទី៣០ ខែតុលា ឆ្នាំ២០២២ បានអញ្ចើញជួប សំណេះសំណាល និងសាកសួរសុខទុក្ខ កម្មករ កម្មការនី នៅតាមបណ្ដារោងចក្រ សហគ្រាសនានា និងក្រុមជាង ស្ថិតក្នុងស្រុកជុំគីរី ខេត្តកំពត ព្រមទាំងបានចាប់ឆ្នោតផ្សងសំណាងជូនដល់បងប្អូនកម្មករ កម្មការនី ដែលរង្វាន់រួមមាន ៖ ម៉ូតូ ចំនួន៥គ្រឿង កង់ចំនួន៥០គ្រឿង កង្ហាចំនួន១០គ្រឿង ឆ្នាំងដាំបាយអគ្គិសនីចំនួន១០គ្រឿង ផងដែរ ៕
