ឯកឧត្តមបណ្ឌិត ចាន់ ដារ៉ុង និងលោកជំទាវ វ៉ា រីយ៉ា បានចូលរួមដង្ហែបុណ្យកឋិនទានសាមគ្គីទៅកាន់វត្តធ្លកវៀន ស្រុកសាមគ្គីមានជ័យ
ភ្នំពេញ៖ ឯកឧត្តមបណ្ឌិត ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកសាមគ្គីមានជ័យ និងលោកជំទាវ វ៉ា រីយ៉ា ព្រមទាំងសហការីជាក្រុមការងារ លោក ឈួន ចាន់ណា អភិបាលស្រុកសាមគ្គីមានជ័យ រួមជាមួយ លោកអាចារ្យ គណ:កម្មការ ប្រជាពលរដ្ឋ ពុទ្ធបរិស័ទចំណុះជើងវត្ត និងពុទ្ធិបរិស័ទជិតឆ្ងាយ នាព្រឹកថ្ងៃទី៣០ ខែតុលា ឆ្នាំ២០២២នេះ បានចូលរួមដង្ហែបុណ្យកឋិនទានសាមគ្គីទៅកាន់វត្តធ្លកវៀន ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំង ដើម្បីវេរប្រគេនព្រះសង្ឃគង់ចាំព្រះវស្សាអស់កាលត្រីមាស ដើម្បីប្រមូលបច្ច័យកសាងសមិទ្ធិផលនានា។
សូមរំលឹកជូនផងដែរថា ពិធីបុណ្យកឋិន ឬកឋិនទាន ជាពិធីបុណ្យធំមួយក្នុងព្រះពុទ្ធសាសនា។ ដោយសារតែប្រទេសកម្ពុជា ជាប្រទេសប្រកាន់យកព្រះពុទ្ធសាសនាជាគោល ទើបយើងឃើញមានប្រជាពលរដ្ឋខ្មែរគ្រប់ទិសទីបានប្រារព្ធពិធីបុណ្យមួយនេះឡើងជារៀងរាល់ឆ្នាំ។នៅក្នុងពិធីបុណ្យនេះ ពុទ្ធបរិស័ទចំណុះជើងវត្ត តែងនាំគ្នាប្រារព្ធពិធីបុណ្យកឋិន តាមទីអារាមក្បែរផ្ទះ ឬនៅឆ្ងាយ។ បុណ្យកឋិនគឺជាកុសលដែលធ្វើឡើង ដោយនាំសំពត់ចីវរទៅប្រគេនព្រះសង្ឃ ដែលបានគង់ចាំវស្សាអស់ត្រីមាស៕
