សាលាភូមិន្ទរដ្ឋបាល ប្រារព្ធពិធីបើកវគ្គបណ្ដុះបណ្ដាលមន្ត្រីជាន់ខ្ពស់ នៃក្រសួងអប់រំ ជំនាន់ទី១
ភ្នំពេញ៖ សាលាភូមិន្ទរដ្ឋបាល នៅព្រឹកថ្ងៃទី៣១ ខែតុលា ឆ្នាំ២០២២ បានប្រារព្ធពិធីបើកវគ្គបណ្ដុះបណ្ដាលមន្ត្រីជាន់ខ្ពស់ នៃក្រសួងអប់រំ យុវជន និងកីឡា ជំនាន់ទី១។
ពិធីខាងលើនេះធ្វើឡើង ក្រោមអធិបតីភាព ឯកឧត្ដម យក់ ប៊ុនណា រដ្ឋលេខាធិការប្រចាំការ និងជានាយកសាលាភូមិន្ទរដ្ឋបាល នៃក្រសួងមុខងារសាធារណៈ តំណាងដ៏ខ្ពង់ខ្ពស់ឯកឧត្ដម ព្រុំ សុខា រដ្ឋមន្ត្រីក្រសួងមុខងារសាធារណៈ និងឯកឧត្ដម ណាត ប៊ុនរឿន រដ្ឋលេខាធិការ និងជាប្រធានក្រុមការងារកំណែទម្រង់រដ្ឋបាលសាធារណៈ របស់ក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា៕
