លោកជំទាវ មិថុនា ភូថង អញ្ជើញចូលរួមក្នុងព្រះរាជកម្មវិធី ១០០ព្រះវស្សា នៃព្រះបិតាឯករាជ្យជាតិ ឧទ្ទិសថ្វាយព្រះបរមរាជវិញ្ញាណក្ខន្ធព្រះករុណា សម្តេចព្រះនរោត្តម សីហនុ
ភ្នំពេញ៖ លោកជំទាវ មិថុនា ភូថង អភិបាលខេត្តកោះកុង នៅព្រឹកថ្ងៃទី៣១ ខែតុលា ឆ្នាំ២០២២នេះ បានអញ្ជើញចូលរួមក្នុង ព្រះរាជកម្មវិធី ១០០ព្រះវស្សា នៃព្រះបិតាឯករាជ្យជាតិ ឧទ្ទិសថ្វាយព្រះបរមរាជវិញ្ញាណក្ខន្ធព្រះករុណា សម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យបូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ” គម្រប់ខួបព្រះប្រសូត ១០០ព្រះវស្សា។
ទូលព្រះបង្គំយើងខ្ញុំ ជាកូនចៅ ចៅទួត ចៅលួត ចងចាំជានិច្ចនូវព្រះរាជគម្រូវីរភាព ព្រះរាជបូជនីយកិច្ច ព្រះគុណូបការៈ និងសូមសម្តែងនូវមនោសញ្ចេតនាចងចាំជានិច្ចគ្មានថ្ងៃបំភ្លេចបាន ប្រកបដោយសេចក្តីកតញ្ញូកតវេទី ចំពោះព្រះមហាករុណាទិគុណ ដ៏ធំធេងរបស់ ព្រះករុណា ព្រះមហាវីរក្សត្រ ព្រះបរមរតនកោដ្ឋ នៅក្នុងបុព្វហេតុទាមទារឯករាជ្យជូនប្រជាជាតិ ការកសាងជាតិ និងការបង្រួបបង្រួមជាតិ ការការពារបូរណភាពទឹកដីជូនជាតិមាតុភូមិ និងប្រជានុរាស្ត្រកម្ពុជា និងការរួបរួមដើម្បីសន្តិភាព ឯករាជ្យ និងកសាងជាតិគ្មានឈប់ឈរ៕
