ក្រុមប្រឹក្សាខេត្តតាកែវ រៀបចំកិច្ចប្រជុំសាមញ្ញ លើកទី៤១អាណត្តិទី៣ ជាមួយរដ្ឋបាលខេត្តតាកែវ

ភ្នំពេញ៖ នៅសាលប្រជុំរដ្ឋបាលខេត្តតាកែវ នាថ្ងៃទី៣ ខែ​វិច្ឆិកា ឆ្នាំ២០២២ ឯកឧត្តម យស ណាស៊ី ប្រធានក្រុមប្រឹក្សាខេត្ត និង ឯកឧត្តម លោកជំទាវ សមាជិកក្រុមប្រឹក្សាខេត្ត បានរៀបចំកិច្ចប្រជុំសាមញ្ញរបស់ក្រុមប្រឹក្សាខេត្តតាកែវ លើកទី៤១ អាណត្តិទី៣ ជាមួយ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ និងលោក លោកស្រី អភិបាលរងខេត្ត លោក លោកស្រី ប្រធានមន្ទីរអង្គភាពជុំវិញខេត្ត កងកម្លាំងប្រដាប់អាវុធទាំងបី ព្រមទាំង លោកនាយក នាយករង រដ្ឋបាលសាលាខេត្ត នាយក នាយករង ទីចាត់ចាត់ការចំណុះរដ្ឋបាលខេត្ត និងលោក លោកស្រី មន្រ្តីរាជការពាក់ព័ន្ធជាច្រើនរូបផងដែរ។

សូមជម្រាបជូនដែរថា របៀបវារៈសំខាន់ៗ ដែលបានដាក់ជូន កិច្ចប្រជុំសាមញ្ញលើកទី៤១ អាណត្តិទី៣ របស់ ក្រុមប្រឹក្សាខេត្ត រួមមាន៖

១. ការពិនិត្យកូរ៉ុមរបស់ក្រុមប្រឹក្សាខេត្តដែលបានចូលរួមប្រជុំ
២. មតិបើកកិច្ចប្រជុំសាមញ្ញលើកទី​៤១
៣. ពិនិត្យ​ និងអនុម័ត​ សេចក្ដីព្រាង​ កំណត់​ហេតុកិច្ចប្រជុំសាមញ្ញលើកទី៤០
៤. ពិនិត្យ​ និងអនុម័ត​ សេចក្ដីព្រាង​របាយការណ៍​បប្រចាំខែតុលា​ ឆ្នាំ២០២២​ ស្ដីពីការអនុវត្តការងាររបស់រដ្ឋបាលខេត្តតាកែវ​ ។
៥. ពិនិត្យ​ និងអនុម័ត​ សេចក្ដីព្រាងសេចក្ដីសម្រេចស្ដីពីការបែងចែកតួនាទីភារកិច្ចនិងរបៀបរបបធ្វើការងារជូនគណៈអភិបាលខេត្តតាកែវ​។
៦.ពិនិត្យ​ និងអនុម័ត​ លើតារាងបែងចែកប្រាក់រង្វាន់ជូនមន្ត្រីរាជការរបស់សាលាខេត្តតាកែវ​ ប្រចាំខែសីហា​ និងខែកញ្ញា​ ឆ្នាំ២០២២។
៧. ប្រកាសពេលវេលានៃកិច្ចប្រជុំលើកក្រោយ នៅថ្ងៃទី៥ខែធ្នូ ឆ្នាំ២០២២៕