ឯកឧត្ដម ហ៊ុន ម៉ានី ដឹកនាំថ្នាក់ដឹកនាំ យុវជន ស.ស.យ.ក ចូលរួមក្នុងកម្មវិធី [សាទរស្នាព្រះហស្ថព្រះបិតាឯករាជ្យជាតិ] នៅសួនច្បារព្រះរាជបណ្ដាំ
ភ្នំពេញ៖ នាល្ងាចថ្ងៃទី០៤ ខែវិច្ឆិកា ឆ្នាំ២០២២នេះ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកស្រី អមដំណើរដោយឯកឧត្ដម ស សុខា អនុប្រធាន ស.ស.យ.ក. រួមទាំងថ្នាក់ដឹកនាំ ស.ស.យ.ក. បានអញ្ជើញចូលរួមក្នុងកម្មវិធី [សាទរស្នាព្រះហស្ថព្រះបិតាឯករាជ្យជាតិ] នៅសួនច្បារព្រះរាជបណ្ដាំ [ខាងមុខព្រះបរមរាជវាំង]។
កម្មវិធីនេះមានការអញ្ជើញចូលរួមពី គណៈកម្មការរៀបចំព្រះរាជពិធីសមាជិក សមាជិកា ស.ស.យ.ក. ប្រមាណ ២០០នាក់។
នាឱកាសដ៏វិសេសវិសាល គណអធិបតី និងអ្នកចូលរួមបានទស្សនាភាគយន្តរឿង [ ឆាយាលើអង្គរ] ដែលប្រៀបប្រដូចទៅនឹងព្រះរាជឱង្ការរបស់ ព្រះករុណា ព្រះមហាវីរក្សត្រ ព្រះមរមរតនកោដ្ឋ មានអត្ថន័យសរបញ្ជាក់ឲ្យឃើញពីស្មារតីសេ្នហាជាតិ ហ៊ានធ្វើបូជនីយកិច្ចការពារប្រទេសជាតិ និងការសាមគ្គីរួបរួមជាធ្លុងមួយ ដើម្បីប្រឆាំងនឹងអំពើអបាយមុខ និងក្បត់ជាតិរបស់ក្រុមមួយចំនួនតូចដែលចង់បង្កឲ្យមានអស្ថេរភាព និងចលាចលក្នុងប្រទេស។
បន្ទាប់ពីបានឯករាជ្យពេញលេញ ការការពារ និងថែរក្សាឯករាជ្យជាតិពិតជាសំខាន់ សម្រាប់ប្រជាជាតិ កម្ពុជាហើយការរួមសាមគ្គីនេះគឺជាគឹន្លះនៃការជួយស្រោចស្រង់ប្រទេសកម្ពុជានៅសន្តិភាព ពេញលេញ។
កម្មវិធីនេះ បានប្រារព្ធដើម្បី បង្ហាញអំពីទឹកចិត្ត និងស្មារតីនៃការចងចាំចំពោះព្រះរាជបណ្តាំដ៏ថ្លៃថ្លា និងពោរពេញដោយអត្ថន័យ ដែលជាព្រះរាជឱង្ការរបស់ ព្រះករុណា ព្រះមហាវីរក្សត្រ ព្រះបរមរតនកោដ្ឋ។។
