លោកជំទាវ ម៉ែន សំអន អញ្ជើញចូលរួមពិធីបុណ្យគម្រប់ខួប១០០ថ្ងៃ ម្តាយក្មេករបស់ ឯកឧត្តម ខៀវ កញ្ញារីទ្ធ
ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច នារសៀលថ្ងៃអង្គារ ៧រោច ខែកត្តិក ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃ១៥ ខែវិច្ឆិកា ឆ្នាំ២០២២ បានអញ្ជើញចូលរួមសូត្រមន្ត ទក្ខិណានុប្បទានគម្រប់ខួប១០០ថ្ងៃ ឧទ្ទិសមហាកុសលគោរពជូន ដួងវិញ្ញាណក្ខន្ធ មហាឧបាសិកាកុសលចិត្តាពុទ្ធសាសនូបត្ថម្ភ ពេន យុត ស្ថិតនៅភូមិគ្រឹះលេខ ៣៨ ផ្លូវលេខ២៨៥ សង្កាត់បឹងកក់១ ខណ្ឌទួលគោក ររាជធានីភ្នំពេញ។
មហាឧបាសិកាកុសលចិត្តាពុទ្ធសាសនូបត្ថម្ភក៍ ពេន យុត ត្រូវជាម្តាយក្មេករបស់ ឯកឧត្តម ខៀវ កញ្ញារីទ្ធ រដ្ឋមន្រ្តីក្រសួងព័ត៌មាន បានទទួលមរណៈភាព កាលពីថ្ងៃអង្គារ ១២កើត ខែស្រាពណ៌ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០៩ ខែសីហា ឆ្នាំ២០២២ វេលាម៉ោង ៩:១៥នាទី ក្នុងជន្មាយុ៩២ឆ្នាំ ដោយជរាពាធ៕
