នាយឧត្តមសេនីយ៍ សែម សុវណ្ណនី អនុញ្ញាតឲ្យយោធាចារ្យបារាំង និងអូស្រ្តាលី ចូលជួបសម្ដែងការគួរសម និងពិភាក្សាការងារ
ភ្នំពេញ៖ ឯកឧត្តម នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព នៅព្រឹកថ្ងៃទី១៧ ខែវិច្ឆិកា ឆ្នាំ២០២២ បានអនុញ្ញាតឲ្យយោធាចារ្យបារាំង និងអូស្រ្តាលី នៃវគ្គហ្វឹកហ្វឺនបច្ចេកទេសបោសសំអាតមីន និងគ្រប់គ្រងចំការមីន ថ្នាក់អាស៊ាន និងតំបន់ សម្រាប់បេសកកម្មរក្សាសន្តិភាព អង្គការសហប្រជាជាតិ នៅមជ្ឈមណ្ឌលជាតិរក្សាសន្តិភាព (NPMEC) ចូលជួបសម្ដែងការគួរសម និងពិភាក្សាការងារ ។
វគ្គហ្វឹកហ្វឺនអំពីការងារបោសសំអាតមីនថ្នាក់តំបន់-អាស៊ាន លើកទី៥នេះ គឺមានការ គាំទ្រដោយប្រមុខរដ្ឋាភិបាលកម្ពុជា ក្រសួងការពារជាតិ គណៈកម្មាធិការជាតិ និងបណ្តាប្រទេសជាមិត្ត ដែលមានគ្រូបង្គោលជាតិ និងអន្តរជាតិ ចំនួនជាង ១០នាក់មកចូលរួមផងដែរ ។
