លោកXi Jinping៖ ចាត់ទុកប្រជាជនជាអទិភាពជានិច្ច
ទាក់ទងនឹងប្រជាជន លោកប្រធានរដ្ឋចិន Xi Jinping ធ្លាប់បានសរសេរអត្ថបទមួយដោយសង្កត់ធ្ងន់ថា យើងត្រូវតែទុកប្រជាជនជាអទិភាពជានិច្ច។ លោកបានមានប្រសាសន៍ថា ចាប់តាំងពីបង្កើតបក្សកុម្មុយនីស្តចិនមក គណបក្សរបស់យើងបានរួបរួម និងដឹកនាំប្រជាជនអនុវត្តបដិវត្តន៍ កសាង និងកែទម្រង់។ គោលបំណងជាមូលដ្ឋានរបស់គណបក្សយើង គឺចង់ឱ្យប្រជាជនមានជីវភាពរស់នៅដោយល្អប្រសើរ មិនថាត្រូវប្រឈមនឹងការលំបាកយ៉ាងណា និងរងសម្ពាធខ្លាំងយ៉ាងណាមិនថាត្រូវធ្វើការលះបង់និងប្តូរអ្វីក៏ដោយចំពោះគោលបំណងនេះយើងត្រូវប្រកាន់ខ្ជាប់ដោយមិនងារេ។ ប្រកាន់ខ្ជាប់នូវទស្សនៈអភិវឌ្ឍន៍ដែលផ្តោតលើប្រជាជន យើងត្រូវតែចាត់ទុកប្រជាជនជាអាទិភាពនៃការងារទាំងអស់ ពឹងផ្អែកយ៉ាងជិតស្និទ្ធលើប្រជាជន បន្តផ្តល់ផលប្រយោជន៍ជូនប្រជាជន ចាក់ឫសយ៉ាងរឹងមាំនៅក្នុងប្រជាជន និងអនុវត្តវានៅក្នុងការរៀបចំគម្រោងទាំងអស់និងការងារជាក់ស្តែង។
នៅក្នុងដំណាក់កាលចុងក្រោយ ការជំរុញការអភិវឌ្ឍសេដ្ឋកិច្ច និងសង្គមរបស់យើង គឺដើម្បីបន្តបំពេញតម្រូវការរបស់ប្រជាជនសម្រាប់ជីវិតកាន់តែប្រសើរឡើង។ យើងត្រូវតែទុកសុវត្ថិភាព និងសុខុមាលភាព របស់ប្រជាជន នៅក្នុងចិត្តជានិច្ច ហើយខិតខំប្រឹងប្រែងអស់ពីកម្លាំងកាយនិងកម្លាំងចិត្ត ដើម្បីដោះស្រាយបញ្ហាជាក់ស្តែង ដែលប្រជាជនជនយកចិត្តទុកដាក់ដូចជា ការងារ ការអប់រំ បេឡាសន្ដិសុខសង្គម ការថែទាំសុខភាព ផ្ទះសម្បែង ការថែទាំមនុស្សចាស់ សុវត្ថិភាពចំណីអាហារ និងសណ្តាប់ធ្នាប់សង្គមជាដើម។យើង អនុវត្តម្តងមួយៗ ដោយព្យាយាមឱ្យប្រជាជនបានមើលឃើញការផ្លាស់ប្តូរ និងទទួលបានអត្ថប្រយោជន៍ជាក់ស្តែង៕
