ឯកឧត្តម សួស យ៉ារ៉ា ដឹកនាំកិច្ចប្រជុំត្រៀមធ្វើរបាយការណ៍ កិច្ចប្រជុំមហាសន្និបាតនៃ អន្តរសភាអាស៊ាន លើកទី៤៣

ភ្នំពេញ៖ ឯកឧត្តម សួស យ៉ារ៉ា ប្រធានគណៈកម្មការទី៥ នៃរដ្ឋសភា បានអញ្ជើញដឹកនាំកិច្ចប្រជុំ បូកសរុបលទ្ធផលការងារ កិច្ចប្រជុំមហាសន្និបាតនៃអន្តរសភាអាស៊ាន (អាយប៉ា-AIPA) លើកទី៤៣ ដែលសភា នៃព្រះរាជាណាចក្រកម្ពុជាធ្វើជាម្ចាស់ផ្ទះ ចាប់ពីថ្ងៃទី២០ ដល់ថ្ងៃទី២៥ ខែវិច្ឆិកា ឆ្នាំ២០២២ នៅសណ្ឋាគារសុខាភ្នំពេញកន្លងទៅ ដើម្បីត្រៀមធ្វើរបាយការណ៍ដាក់ជូន សម្តេចអគ្គមហាពញាចក្រី ហេង សំរិន ប្រធានរដ្ឋសភាពិនិត្យ។

កិច្ចប្រជុំនេះមានការអញ្ជើញចូលរួមពីឯកឧត្តមទីប្រឹក្សារដ្ឋសភា ឯកឧត្តម អគ្គនាយក អគ្គនាយករង ប្រធាននាយកដ្ឋាន លោក លោកស្រី ជាថ្នាក់ដឹកនាំអគ្គលេខាធិការដ្ឋានរដ្ឋសភា និងមន្ត្រីពាក់ព័ន្ធ នារសៀលថ្ងៃទី២៨ ខែវិច្ឆិកា ឆ្នាំ២០២២ នៅបន្ទប់ប្រជុំគណៈកម្មការទី៥ នៃវិមានរដ្ឋសភា ៕