លោកជំទាវ ហ៊ុន ម៉ាណា នាំយកទេយ្យវត្ថុប្រគេនដល់វត្តទួលសំបុកគ្រៀល ស្ថិតនៅស្រុកសាមគ្គីមានជ័យ ខេត្តកំពង់ឆ្នាំង
ភ្នំពេញ៖ លោកជំទាវ ហ៊ុន ម៉ាណា អគ្គនាយិកាវិទ្យុ និងទូរទស្សន៍បាយ័ន នៅព្រឹកថ្ងៃទី២៩ ខែវិច្ឆិកា ឆ្នាំ២០២២ បានអញ្ជើញដឹកនាំក្រុមការងារ នាំយកនូវទេយ្យវត្ថុ របស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនដល់វត្តទួលសំបុកគ្រៀល ស្ថិតនៅភូមិសំបុកគ្រៀល ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង។
សូមជម្រាបថា វត្តទួលសំបុកគ្រៀលនេះ គឺជាវត្តស្ថិតនៅតំបន់ដាច់ស្រយាលមួយ ហើយទើបនឹងកសាងឡើងបានរយៈពេល០៣ឆ្នាំតែប៉ុណ្ណោះ ដែលមានការខ្វះខាតហេដ្ឋា
រចនាសម្ព័ន្ធទីអារាមជាច្រើនសម្រាប់បម្រើសេចក្តីត្រូវការរបស់ព្រះសង្ឃនៅទីនេះ ។ ដូច្នេះការប្រគេនទេយ្យទេវត្ថុនៅពេលនេះគឺជាការរួមចំណែកក្នុងការដោះស្រាយការលំបាករបស់ព្រះសង្ឃបានមួយរយៈពេលធំផងដែរ ជាពិសេសក្នុងវិបត្តិកូវិដ-១៩នេះ។
នៅថ្ងៃនេះ ក្រៅពីការប្រគេនទេវត្ថុដល់ព្រះសង្ឃនោះ លោកជំទាវ ហ៊ុន ម៉ាណា ក៏បានរៀបចំជាចង្ហាន់ប្រគេនព្រះសង្ឃ១២អង្គ និងរៀបចំអាហារមួយពេលសម្រាប់លោកយាយ លោកតា និងប្រជាពុទ្ធបរិស័ទ១៩តុ ស្មើនឹង ១៩០នាក់ ដែលបានអញ្ជើញចូលរួមក្នុងឱកាសនេះផងដែរ។
ទេយ្យវត្ថុសម្រាប់ប្រគេនវត្តរួមមាន៖
០១-អង្ករ២តោន
០២-ត្រីខចំនួន២កេស មាន២០យួរ
០៣-មីចំនួន១០កេសធំ(៦០កេសតូច)
០៤- ត្រីងៀតចំនួន ២០ គីឡូ
០៥- សាច់ក្រកចំនួន២០ គីឡូ
០៦- សាច់ជ្រូផាត់ចំនួន២០ គីឡូ
០៧- ទឹកដោះគោខាប់ ចំនួន៤កេស
០៨- កាហ្វេ ចំនួន១០កញ្ចប់ធំ
០៩- តែចំនួន ៤គីឡូក្រាម
១០- ស្ករសចំនួន២បេ
១១- អំបិលចំនួន២បេ
១២- ប៊ីចេងចំនួន២បេ
១៣- ទឹកត្រីចំនួន១០យួ
១៤- ទឹកស៊ីអុីវចំនួន១០យួរ
១៥- សាប៊ូដុំ ចំនួន ៦០ ដុំតូច
១៦- ច្រាស និងថ្នាំដុសធ្មេញ ចំនួន២០០ឈុត
១៧- ប្រេងកូឡា ចំនួន១០ដុំ
១៨- ប្រេងខ្យល់ ចំនួន១០ដុំ
១៩- ម៉ាសចំនួន៤០ប្រអប់ មាន២០០០ម៉ាស
២០- អាល់កុលសម្លាប់មេរោគ ចំនួន៨កាន
២១- ដបសំរាប់ដាក់អាល់កុល ចំនួន២០ ដប
២២- ស្លាដក់ចំនួន១២
២៣- ថវិកាចំនួន៤លានរៀល៕
