នគរបាលស្រុកមោងឫស្សីបង្រ្កាបករណីគ្រឿងញៀនមួយករណី ឃាត់ខ្លួនមុខសញ្ញាចំនួន ២នាក់
ភ្នំពេញ៖ នៅថ្ងៃទី២ ខែធ្នូ ឆ្នាំ២០២២វេលាម៉ោង១០និង៣០នាទីស្ថិតនៅចំណុចក្រុមទី០៤ ភូមិប្រឡាយ ឃុំមោង ស្រុកមោងឫស្សី ខេត្តបាត់ដំបង លោកវរសេនីយ៍ឯក ស គឺមឡុង អធិការនគរបាលស្រុកមោងឫស្សីបានដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំងប៉ុស្តិ៍នគរបាលរដ្ឋបាលមោងចុះប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀនចំនួន ០១ករណីក្នុងបទល្មើសជាក់ស្ដែងនិងបានឃាត់ខ្លួនជនសង្ស័យចំនួន០២នាក់គឺឈ្មោះ សរ សិទ្ធិ ភេទប្រុស អាយុ៤១ឆ្នាំ មានទីលំនៅភូមិតាតុក២ ឃុំមោង ស្រុកមោងឫស្សី ខេត្តបាត់ដំបងនិងឈ្មោះ ម៉ុន ធារ៉ា ភេទប្រុស អាយុ២១ឆ្នាំ រស់នៅភូមិតាតុក២ ឃុំមោង ស្រុកមោងឫស្សី ខេត្តបាត់ដំបង។
វត្ថុតាងចាប់យកបានរួមមាន៖ -ម្សៅក្រាមពណ៌សថ្លាច្រកក្នុងកូនថង់ប្លាស្ទិចពណ៍សថ្លាចំនួន ០៩កូន ថង់ទម្ងន់៤,៨៩ក្រាម ទាំងសំបកសង្ស័យមានសារធាតុញៀន។
-បំពងជក់គ្រឿងញៀនចំនួន ០១
-ទូរស័ព្ទដៃចំនួន ០១គ្រឿង
-ប្រាក់រៀលចំនួន២៤៥,១០០រៀល(ម្ភៃបួនម៉ឺនប្រាំពាន់មួយរយរៀល)
-កាបូបដាក់ប្រាក់ចំនួន១។
ករណីខាងលើនេះនគរបាលស្រុកបានឃាត់ខ្លួននិងកំពុងកសាងសំណុំរឿងដេីម្បីបញ្ជូនមកកាន់ការិយាល័យជំនាញអនុវត្តបន្តតាមនីតិវិធីច្បាប់៕
