ជំនួបសម្តែងការគួរសមរវាងក្រសួងរ៉ែនិងថាមពល និងគណៈប្រតិភូនៃវិទ្យាស្ថានវិស្វករ ប្រទេសម៉ាឡេស៊ី (IEM)
ភ្នំពេញ៖ ឯកឧត្តមបណ្ឌិត ចាន់ សុដាវ៉ាត រដ្ឋលេខាធិការ បានដឹកនាំមន្ត្រីជំនាញក្រសួងរ៉ែនិងថាមពលនិងវិទ្យាស្ថានស្តង់ដារកម្ពុជា ទទួលជួបសម្តែងការគួរសមជាមួយគណៈប្រតិភូនៃវិទ្យាស្ថានវិស្វករ ប្រទេសម៉ាឡេស៊ី។ ក្នុងជំនួបពិភាក្សានេះ ឯកឧត្តមរដ្ឋលេខាធិការ បានចែករំលែកអំពីតួនាទីភារកិច្ចរបស់ក្រសួងរ៉ែនិងថាមពល និងវឌ្ឍនភាពសំខាន់ៗនៃការអភិវឌ្ឍវិស័យថាមពលនៅកម្ពុជា ជាពិសេសគឺ ការអភិវឌ្ឍប្រព័ន្ធផ្តត់ផ្គង់អគ្គិសនី ផែនការអភិវឌ្ឍន៍ថាមពល ការងារអភិវឌ្ឍន៍ស្តង់ដារអគ្គិសនី និងការងារប្រសិទ្ធភាពថាមពល។
ជាមួយគ្នានេះដែរ ភាគីទាំងពីរ បានផ្តោតលើការពិភាក្សាអំពីសក្តានុពលនៃកិច្ចសហប្រតិបត្តិការរួមគ្នា រួមមាន៖ ការរៀបចំស្តង់ដារបណ្តាញផ្គត់ផ្គង់អគ្គិសនីខ្នាតតូចនៅតាមជនបទ ការរៀបចំមន្ទីរពិសោធន៍ និងការផ្តាស់ប្តូរបទពិសោធន៍និងកសាងសមត្ថភាពផ្នែកស្តង់ដារបច្ចេកទេស និងការធ្វើតេស្តផងដែរ ៕
