លោកXi Jinpingប្រធានរដ្ឋចិនអធិប្បាយពីសហគមន៍រួមវាសនារវាងប្រទេសចិន-ប្រទេសអារ៉ាប់តាមបែបនេះ

ទំនាក់ទំនងរវាងប្រទេសចិន-ប្រទេសអារ៉ាប់មានប្រវត្តិសាស្ត្រយូរអង្វែង ហើយបង្កើតគំរូនៃការប្រាស្រ័យទាក់ទងជាមេត្រីភាពរវាងប្រជាជាតិខុសគ្នា។ចាប់ពីសាធារណរដ្ឋប្រជាមានិតចិនបង្កើតឡើងជាង៧០ឆ្នាំកន្លងមក ប្រទេសចិននិងប្រទេសអារ៉ាប់គោរពគ្នា រាប់អានគ្នាទៅវិញទៅមកដោយសមភាព ផ្តល់ផលប្រយោជន៍ទៅវិញទៅមកនិងឈ្នះ-ឈ្នះ រៀនសូត្រពីគ្នាទៅវិញទៅមក វិសាលភាពនិងជម្រៅនៃកិច្ចសហប្រតិបត្តិការមិត្តភាពបានសម្រេចនូវការលោតផ្លោះជាប្រវត្តិសាស្ត្រ។
ក្រោមការដឹកនាំបែបការទូតរវាងប្រមុខរដ្ឋ ទំនាក់ទំនងរវាងប្រទេសចិន-ប្រទេសអារ៉ាប់ក្នុងយុគសម័យថ្មីបានបង្ហាញពីភាពរឹងមាំ ហើយឡើងដល់កម្រិតថ្មីឥតឈប់ឈរ។
ឆ្នាំ២០១៤ នៅក្នុងពិធីបើកនៃកិច្ចប្រជុំថ្នាក់រដ្ឋមន្ត្រីលើកទី៦នៃវេទិកាសហប្រតិបត្តិការចិន-ប្រទេសអារ៉ាប់ លោកXi Jinpingប្រធានរដ្ឋចិនបានលើកឡើងជាលើកដំបូងថា បង្កើតសហគមន៍រួមវាសនារវាងប្រទេសចិននិងប្រទេសអារ៉ាប់ ប្រទេសអារ៉ាប់បានឆ្លើយតបយ៉ាងសកម្ម។
ឆ្នាំ២០១៦ លោកXi Jinpingប្រធានរដ្ឋចិនបានបំពេញទស្សនកិច្ចនៅទីស្នាក់ការទូទៅនៃសម្ព័ន្ធអារ៉ាប់ ដោយបានអធិប្បាយយ៉ាងលម្អិតពីគោលនយោបាយមជ្ឈិមបូព៌ាក្នុងយុគសម័យថ្មីរបស់ប្រទេសចិន រៀបចំប្លង់អភិវឌ្ឍន៍ទំនាក់ទំនងរវាងចិននិងប្រទេសអារ៉ាប់ ព្រមទាំងលើកកម្ពស់កម្រិតសហប្រតិបត្តិការសមូហភាព។
ឆ្នាំ២០១៨ នៅក្នុងកិច្ចប្រជុំថ្នាក់រដ្ឋមន្ត្រីលើកទី៨នៃវេទិកាសហប្រតិបត្តិការចិន-អារ៉ាប់ លោកXiJinpingបានប្រកាសថា ប្រទេសចិននិងប្រទេសអារ៉ាប់បង្កើតទំនាក់ទំនងភាពជាដៃគូយុទ្ធសាស្ត្រប្រកបដោយគ្រប់ជ្រុងជ្រោយ រួមគ្នាអភិវឌ្ឍ និងប្រឈមមុខទៅអនាគត ហើយបង្កើតផ្លូវជាក់ស្តែងនៃការបង្កើតសហគម៍រួមវាសនារវាងប្រទេសចិននិងអារ៉ាប់។
ឆ្នាំ២០២០ នៅក្នុងកិច្ចប្រជុំថ្នាក់រដ្ឋមន្ត្រីលើកទី៩នៃវេទិកាសហប្រតិបត្តិការចិន-អារ៉ាប់ ភាគីទាំងពីរបានសម្រេចជាឯកភាពថា ជំរុញឱ្យគំនិតផ្តួចផ្តើមអំពីការកសាងសហគមន៍រួមវាសនារវាងប្រទេសចិននិងអារ៉ាប់សរសេរក្នុង«សេចក្តីប្រកាសអាម៉ាន់» ភាគីទាំងពីរបានបានឈានដល់មតិឯកភាពវិជ្ជមានក្នុងការកសាងសហគមន៍រួមវាសនារវាងប្រទេសចិននិងប្រទេសអារ៉ាប់។
ក្រោមការជំរុញនិងខិតខំប្រឹងប្រែងរបស់លោកXiJinping ប្រទេសចិននិងប្រទេសអារ៉ាប់ក្តាប់ជាប់និន្នាការប្រវត្តិសាស្ត្រ បង្កើនការរចនាជាន់ខ្ពស់ រៀបគ្រោងមាគាអភិវឌ្ឍន៍ ជំរុញឱ្យការកសាងសហគមន៍រួមវាសនារវាងប្រទេសចិននិងអារ៉ាប់កាន់តែស៊ីជម្រៅនិងរឹងមាំដោយឥតឈប់ឈរ៕