នាយឧត្តមសេនីយ៍ កែវ វណ្ណថន ដឹកនាំកិច្ចប្រជុំពិភាក្សាការងារ និងប្រកាសសមាសភាពរបស់ក្រុមការងារចងក្រងឯកសាររូបភាព និងវីដេអូឯកសារ
ភ្នំពេញ៖ ឯកឧត្តម នាយឧត្តមសេនីយ៍ កែវ វណ្ណថន អគ្គនាយករងអន្តោប្រវេសន៍ និងជាប្រធានក្រុមការងារ នាព្រឹកថ្ងៃព្រហស្បតិ៍ ១៥កើត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៨ ខែធ្នូ ឆ្នាំ ២០២២នេះ បានដឹកនាំកិច្ចប្រជុំពិភាក្សាការងារ និងប្រកាសសមាសភាពរបស់ក្រុមកាងារចងក្រងឯកសាររូបភាព និងវីដេអូឯកសារ នៃយុទ្ធនាការបង្កើនការប្រយុទ្ធប្រឆាំងគ្រប់ទម្រង់នៃ អំពើជួញដូរមនុស្ស ជួញដូរពលកម្ម អាជីវកម្មផ្លូវភេទ ការបង្រ្កាបល្បែងស៊ីសងខុសច្បាប់គ្រប់ប្រភេទ និងការងារពិនិត្យតាមដាន និងជំរុញការងារអធិការកិច្ចហត្ថពលកម្មបរទេស នៅសាលប្រជុំអគ្គនាយកដ្ឋានអន្តោប្រវេសន៍ ក្រសួងមហាផ្ទៃ។
កិច្ចប្រជុំនេះក៏មានការអញ្ជើញចូលរួមពី ឯកឧត្តម ឧត្តមសេនីយ៍ឯក អគ្គនាយករង និងលោកប្រធាន-អនុប្រធាននាយកដ្ឋានចំណុះអគ្គនាយកដ្ឋានអន្តោប្រវេសន៍ ផងដែរ៕
