ឧត្តមសេនីយ៍ត្រី អ៊ុំ សុភា ចាត់តាំងកម្លាំង ចូលរួមសហការជាមួយ កម្លាំងសមត្ថកិច្ចចម្រុះ ចុះបង្ក្រាបបទល្មើសនេសាទ
ភ្នំពេញ៖ ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករង កំពង់ឆ្នាំង នៅថ្ងៃទី៩ ខែធ្នូ ឆ្នាំ២០២២ បានចាត់តាំងកម្លាំងផ្នែកសឹករងជលគិរី ចូលរួមសហការជាមួយគណៈបញ្ជាការឯកភាពរដ្ឋបាលស្រុក កម្លាំងសមត្ថកិច្ច និងកម្លាំងកងរាជអាវុធហត្ថស្រុក ចុះបង្ក្រាបបទល្មើសនេសាទមួយកន្លែង នៅចំណុចព្រៃធំ ក្នុងភូមិសាស្រ្ត ឃុំពាមឆ្កោក ស្រុកជលគិរី ខេត្តកំពង់ឆ្នាំង ។
ជាលទ្ធផល កម្លាំងចម្រុះ បានរុះរើរបាំងសាច់អួនចំនួន ៤កន្លែង ប្រវែង១២០០ម៉ែត្រ លូស្បៃមុងចំនួន ១៤មាត់ ដកបង្គោលចំនួន ២៧០ដើម បំផ្លាញចោលនៅហ្នឹងកន្លែង ព្រមទាំងបានលែងកូនត្រីចម្រុះចំនួន ៧៦គីឡូក្រាម ផងដែរ ៕
