អគ្គនាយកដ្ឋានពន្ធដារ ប្រមូលចំណូលពន្ធលើយានយន្ដគ្រប់ប្រភេទ នៅឆ្នាំ២០២២ បានជាង១០០លានដុល្លារ លើសផែនការ ១២៣%

ភ្នំពេញ៖ ឯកឧត្ដម គង់ វិបុល រដ្ឋមន្ដ្រីអមនាយករដ្ឋមន្ដ្រី និងជាអគ្គនាយកនៃអគ្គនាយកដ្ឋានពន្ធដារ បានបញ្ជាក់ឲ្យដឹងថា ការប្រមូលចំណូលពន្ធ លើមធ្យោបាយដឹកជញ្ជូន និងយានជំនិះគ្រប់ប្រភេទ នៅក្នុងឆ្នាំ២០២២ ទទួលបានចំណូលជាង ១០០លានដុល្លារសហរដ្ឋអាមេរិក លើសនឹងផែនការ១២៣%។

ការគូសបញ្ជាក់ឲ្យដឹងបែបនេះ ធ្វើឡើងក្នុងឱកាសដែល ឯកឧត្ដម គង់ វិបុល អញ្ជើញជាអធិបតីភាព ក្នុងកម្មវិធីវិបស្សនាស្តីពី [វឌ្ឍនភាពនៃប្រព័ន្ធគ្រប់គ្រងទិន្នន័យ សម្រាប់ផ្តល់សេវាតាម អនឡាញ [e-Tax Services] របស់អគ្គនាយកដ្ឋានពន្ធដារ] សម្រាប់បណ្តាសហគ្រាស ឬសាធារណជន នៅថ្ងៃទី០៩ ខែធ្នូ ឆ្នាំ២០២២។។