សម្តេចតេជោ ហ៊ុន សែន ក៏បានរំលឹករឿងលោកទាយថាបារាំងមានឱកាសច្រើនលើកពាន World Cup ប៉ុន្តែលោកថាកុំឱ្យជឿជាក់ពេក
ប៊ែលហ្ស៉ិក៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងឱកាសជួបសំណេះសំណាលជាមួយបងប្អូនខ្មែរ ដែលរស់នៅទ្វីបអឺរ៉ុបជាង២ពាន់នាក់ នៅយប់ថ្ងៃទី១២ ខែធ្នូ ឆ្នាំ២០២២ {ម៉ោងនៅកម្ពុជា} បានរំលឹករឿងដែលសម្តេចធ្វើការទស្សន៍ទាយថា ក្រុមបាល់ទាត់បារាំង ដែលមានឱកាសច្រើនឈ្នះពាន World Cup ២0២២។
សម្តេចបានគូសបញ្ជាក់ថា ការហ៊ានទស្សន៍ទាយបែបនេះ ដោយសារតែមើលនូវបច្ចេកទេស លេងបាល់របស់ក្រុមបារាំង។ ប៉ុន្តែទោះជាយ៉ាងណា សម្តេចបានផ្តាំផ្ញើដល់បងប្អូនកុំជឿជាក់ពេក ព្រោះតែបាល់មូល ក្រុមខ្លាំងដែលធ្លាប់លើកពាន World Cup ក៏បានចេញត្រឡប់ទៅផ្ទះវិញផងដែរ រួមមាន ប្រេស៊ីល អាល្លឺម៉ង់ អេស្ប៉ាញ ជាដើម។
សម្តេចតេជោ ហ៊ុន សែន លោកបានថ្លែងបញ្ជាក់យ៉ាងដូច្នេះថា [ខ្ញុំឆ្លើយតបនឹងអ្នក Comments ក្នុងហ្វេសប៊ុកដែលសួរថា នរណាលើកពាន World Cup ថាបាល់មូល និងប្រាប់ថា បើតាមការពិនិត្យបារាំង មានឱកាសច្រើន ស្រាប់តែព័ត៌មានតាម Online នានាគេយកទៅផ្សាយភ្លាម ប៉ុន្តែសុំកុំជឿខ្ញុំពេក ខ្ញុំគ្រាន់តែមើលបច្ចេកទេស នៃការទាត់តែប៉ុណ្ណោះ ប៉ុន្តែបាល់វាមូល]។។
