ប្រធានាធិបតីបារាំង៖ បារាំងរួមជាមួយកម្ពុជា អំពាវនាវឲ្យរុស្ស៊ី បញ្ឈប់ការវាយប្រហារតាមអាកាស និងការវាយប្រហារលើជនស៊ីវិល ព្រមទាំងហេដ្ឋារចនាសម្ព័ន្ធជាបន្ទាន់
ភ្នំពេញ៖ ប្រធានាធិបតីបារាំង អេម៉ានុយអែល ម៉ាក្រុង បានថ្លែងថា បារាំង រួមជាមួយកម្ពុជា អំពាវនាវឱ្យរុស្ស៊ីបញ្ឈប់ការវាយប្រហារតាម ផ្លូវអាកាសរបស់ខ្លួន និងការវាយប្រហារលើប្រជាជនស៊ីវិល ព្រមទាំងហេដ្ឋារចនាសម្ព័ន្ធនានាជាបន្ទាន់។
ប្រធានាធិបតីបារាំង បានបង្ហោះលើបណ្តាញសង្គម Twiter យ៉ាងដូច្នេះថា «សង្រ្គាមរបស់រុស្ស៉ីនៅក្នុងប្រទេសអ៊ុយក្រែន បានបង្កការឈឺចាប់យ៉ាងសម្បើម។ រួមជាមួយប្រទេសកម្ពុជា យើងអំពាវនាវឱ្យរុស្ស៉ីបញ្ឈប់ការវាយប្រហារតាម ផ្លូវអាកាសរបស់ខ្លួន និងការវាយប្រហារលើប្រជាជនស៊ីវិល ព្រមទាំងហេដ្ឋារចនាសម្ព័ន្ធនានាជាបន្ទាន់។ ប្រទេសដៃគូអន្តរជាតិ ក៏បានចូលរួមជាមួយពួកយើង ដើម្បី អំពាវនាវដូចគ្នានេះដែរ» ៕
