នគរបាលស្រុកភ្នំព្រឹក រួមគ្នាជាមួយនគរបាលស្រុកកំរៀង ឃាត់ខ្លួនមុខសញ្ញាគ្រឿងញៀនម្នាក់ អនុវត្តតាមច្បាប់
ភ្នំពេញ៖ កាលពីថ្ងៃទី ១៥ខែ ធ្នូ ឆ្នាំ ២០២២ នគរបាលស្រុកភ្នំព្រឹក បានដឹកនាំកម្លាំងនៃអធិការដ្ឋាននគរបាលស្រុកភ្នំព្រឹកសហការជាមួយសមត្ថកិច្ចនគរបាលស្រុកកំរៀងដែលមានលោកវរសេនីយ៍ទោវេគឹមចត់ ជាអធិការនគរបាលស្រុក ចុះប្រតិបត្តិការបង្រ្កាបករណីរក្សាទុកដោយខុសច្បាប់នូវសារធាតុញៀនចំនួន០១ករណីដែលក្នុងកិច្ចប្រតិបត្តិការនេះ បានចាប់ឃាត់ខ្លួន ជនសង្ស័យចំនួន ០១នាក់ឈ្មោះ ខែក នីម ភេទប្រុសអាយុ៤៣ឆ្នាំ រស់នៅភូមិអូរដាលើ ឃុំបឹងរាំងស្រុកកំរៀង ខេត្តបាត់ដំបង។
វត្ថុតាងឆែកឆេរបានរួមមាន៖
-ថ្នាំគ្រាប់រាងមូលសំប៉ែតពណ៌ស្លាទុំដែលមានអក្សរបរទេសសញ្ញាWYនៅពីលើគ្រាប់ថ្នាំចំនួន០២គ្រាប់។
-ជញ្ជីងសម្រាប់ថ្លឹងគ្រឿងញៀនចំនួន០១គ្រឿង។
-សម្ភារៈសម្រាប់ប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យនិងវត្ថុតាងខាងលើសមត្ថកិច្ចកំពុងកសាងសំណុំរឿងបញ្ជូនមកផែនជំនាញដើម្បីបញ្ជូនបន្តទៅសាលាដំបូងខេត្តបាត់ដំបងចាត់ការតាមនីតិវិធីច្បាប់៕
