ករណីអគ្គីភ័យឆេះបងប្អូនប្រជាពលរដ្ឋមួយកន្លែងបានកើតឡើងនៅភូមិឬស្សីកែវ សង្កាត់ទួលសង្កែទី១ រាជធានីភ្នំពេញ
ភ្នំពេញ៖ នៅវេលាម៉ោង ០៣:០០ នាទីទៀបភ្លឺ ថ្ងៃអាទិត្យ ១០រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៨ ខែធ្នូ ឆ្នាំ២០២២ មានករណីអគ្គីភ័យឆេះបងប្អូនប្រជាពលរដ្ឋមួយកន្លែងបានកើតឡើងនៅភូមិឬស្សីកែវ សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ម្ចាស់ផ្ទះទីតាំងឈ្មោះ សែន សេង ហ៊ាន ភេទ ប្រុស អាយុ ៥៣ ឆ្នាំ មុខរបរ លាងម៉ូតូ ។
– មូលហេតុ: កំពុងបន្តការស្រាវជ្រាវ ។
– ប្រភេទសំណង់: ថ្មក្រោមឈើលើ ទំហំ ០៩ម៉ែត្រ X ១២ម៉ែត្រ ។
- ខូចខាតសម្ភារៈ ផ្ទះថ្មក្រោមឈើលើទំហំ ០៩ម៉ែត្រx ១២ម៉ែត្រអស់ទាំងស្រុង ម៉ូតូចំនួន ០២ គ្រឿង ម៉ូតូកង់បីឥណ្ឌាចំនួន ០១ គ្រឿង សម្ភារៈប្រើប្រាស់អស់មួយចំនួន នឹងរាល់ដាលដល់ផ្ទះថ្មក្រោមឈើលើចំនួន ០២ ខ្នងផ្ទះ។
- ស្លាប់មនុស្ស : គ្មាន ។
- របួសមនុស្ស: រងរបួសស្រាលចំនួន ០៣ នាក់ ។
+ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តការិយាល័យអគ្គិភ័យចំនួន ១៩ គ្រឿង ប្រេីប្រាស់ទឹកអស់ចំនួន ១៩ រថយន្ត ស្មើរនឹង ៧៦ ម៉ែត្រគូប ។
+ រថយន្តជំនួយអន្តរាគមន៍៖
- រថយន្តទីក្រុងជ្រោយចង្វារចំនួន ០៦ គ្រឿង ប្រើប្រាស់ទឹកអស់ចំនួន ០៦ រថយន្ត ស្មើរនឹង ២៤ ម៉ែត្រគូប ។
- រថយន្តទីក្រុងកោះពេជ្រចំនួន ០២ គ្រឿង ប្រើប្រាស់ទឹកអស់ចំនួន ០២ រថយន្ត ស្មើរនឹង ០៨ ម៉ែត្រគូប ។
- រថយន្តក្រុមហ៊ុនស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ស្មើរនឹង ០៦ ម៉ែត្រគូប ។
- ពន្លត់ចប់ : នៅម៉ោង ០៤:៤០ នាទីទៀបភ្លឺ នាថ្ងៃខែឆ្នាំដដែល ៕
