នគរបាលស្រុកសង្កែ បង្រ្កាបករណីគ្រឿងញៀនមួយករណីឃាត់ខ្លួនមុខសញ្ញា ៣នាក់ និងអាវុធខ្លីមួយដើម
ភ្នំពេញ៖ កាលពីទី១៨ ខែធ្នូ ឆ្នាំ២០២២ វេលាម៉ោ១៦និង៣០ នាទីនៅចំណុចមុខរោងម៉ាស៊ីនកិនស្រូវក្នុងភូមិជំនីក ឃុំអន្លង់វិល ស្រុកសង្កែ ខេត្តបាត់ដំបង នគរបាលស្រុកសង្កែ បានដឹកនាំកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុក ចុះល្បាតចំណុចខាងលើនិងបង្ក្រាបបានករណីរក្សាដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្តែង និងបានឃាត់ខ្លួនជនសង្ស័យចំនួន០១នាក់គឺ៖
១-ឈ្មោះ ហ៊ឺង រដ្ឋមុនី ហៅខ្លា ភេទ ប្រុស អាយុ ៣៥ ឆ្នាំ មានទីលំនៅភូមិអូសទូក ឃុំកំពង់ព្រៀង ស្រុកសង្កែ ខេត្តបាត់ដំបង។
-*វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន០៧ថង់ទម្ងន់(១,៩៩)ក្រាម ទាំងសំបកសង្ស័យមានសារធាតុញៀន
-ទូរសព្ទ័ដៃចំនួន០២គ្រឿង
-កាបូបប្រាក់មួយ និងប្រាក់រៀលចំនួន២៣,៥០០រៀល(ពីរម៉ឺនបីពាន់ប្រាំរយ)
-ម៉ូតូ០១គ្រឿងម៉ាកហុងដាវីនន័រពណ៍ខ្មៅស៊េរី ឆ្នាំ២០១៨ គ្មានស្លាកលេខ ,លេខតួលេខម៉ាស៊ុីនKC26I 1187492,
-អាវុធខ្លីមួយដើមម៉ាកឡុក LOC K19 លេខK4YK ZG1Y S01 – 2101698 បង់ចំនួន០១ គ្រាប់ចំនួន៣០គ្រាប់ ។
ឆ្លងតាមចម្លើយសារភាពរបស់ជនសង្ស័យខាងលើនិងដោហមានការអនុញ្ញាតពីឯកឧត្ដមព្រះរាជអាជ្ញាកែវ សុជាតិ ព្រះរាជអាជ្ញានៃអយ្យការអមសាលាដំបូង ខេត្តបាត់ដំបងសមត្ថកិច្ចបានបន្តឈានទៅឃាត់ខ្លួនជនសង្ស័យចំនួន ០២នាក់ទៀតនៅថ្ងៃខែឆ្នាំដដែលនាវេលាម៉ោង២០និង០០នាទីគឺឈ្មោះ ម៉ៃ គឹមហយ ភេទប្រុស អាយុ៣០ ឆ្នាំ មានទីលំនៅកាច់រទេះ ឃុំកំពង់ព្រៀង ស្រុក សង្កែខេត្តបាត់ដំបងនិងឈ្មោះ ហេង ចិត្រា ហៅចិត្ត ភេទប្រុស អាយុ ២១ឆ្នាំ មានទីលំនៅ ភូមិរងក្រោល ឃុំរាំងកេសី ស្រុកសង្កែ ខេត្តបាត់ដំបង។
វត្ថុតាងចាប់យកបានរួមមាន៖
-ម្សៅក្រាមពណ៍សថ្លា ច្រកក្នុងថង់ប្លាស្ទិកថ្លាចំនួន០៦ថង់ទម្ងន់(១.៦០ក្រាម)ទាំងសំបកសង្ស័យមានសារធាតុញៀន
-ជិញ្ជីងថ្លឹងថ្នាំញៀនចំនួន១
-សំភារះកែច្នៃសំរាប់ប្រើប្រាស់ថ្នាំមួយចំនួន
-កាបូបប្រាក់ចំនួន០១ ទូរសព្ទ័ចំនួន០២គ្រឿង។
បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនមកផែនជំនាញចាត់ការបន្តតាមនីតិវិធីច្បាប់៕
