ឧត្តមសេនីយ៍ទោ សោម ស៊ុន ផ្សព្វផ្សាយសភាពការណ៍ថ្មីៗ និងរៀនសូត្រអប់រំចិត្តសាស្ត្រ ពង្រឹងតួនាទីភារកិច្ចរបស់កងយោធពលខេមរភូមិន្ទ ជូនដល់យោធិនចំណុះទីបញ្ជាការតំបន់ប្រតិបត្តិការសឹករងកំពង់ធំ
ភ្នំពេញ៖ នៅទីបញ្ជាការតំបន់ប្រតិបត្តិការសឹករងកំពង់ធំ ស្ថិតនៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ បានដំណើរការរៀនសូត្រអប់រំចិត្តសាស្រ្ត និងពង្រឹងតួនាទីភារកិច្ចរបស់កងយោធពលខេមរភូមិន្ទ ដែលពិធីនេះប្រព្រឹត្តទៅនៅព្រឹកថ្ងៃទី១៩ ខែធ្នូ ឆ្នាំ២០២២ ក្រោមអធិបតីភាពឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ។
ជាកិច្ចចាប់ផ្ដើមឧត្តមសេនីយ៍ទោ សោម ស៊ុន បានផ្សព្វផ្សាយអំពីសភាពការណ៍ថ្មីៗ ដែលកើតមានឡើង ពិសេសអំពីជោគជ័យដ៏ត្រចះត្រចង់របស់ព្រះរាជាណាចក្រកម្ពុជា ក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន ក្នុងនាមជាប្រធានអាស៊ានប្តូវេន បាដឹកនាំប្រតិភូទៅចូលរួមក្នុងកិច្ចប្រជុំអាស៊ាន សហភាពអឺរ៉ុប និងជួបសំណេះសំណាលជាមួយប្រជាពលរដ្ឋខ្មែរជាច្រើនពាន់នាក់នៅទីក្រុងព្រុចស៊ែលប្រទេស បែលហ្ស៊ិក ។ ជាមួយនោះផងដែរសម្តេចតេជោបានបន្តអញ្ជើញទស្សកិច្ចផ្លូវរដ្ឋទៅកាន់ប្រទេសបារាំងក្នុងជាប្រធានអាស៊ានប្តូរវេន និងក្នុងនាមជាប្រមុខរាជរដ្ឋាភិបាលកម្ពុជា ដែលត្រូវបានប្រធានាធិបតីបារាំងលោកអេម៉ានុយអែលម៉ាក្រុងទទួលរ៉ាក់ទាក់យ៉ាងកក់ក្តៅជាទីបំផុត ដែលនេះជាមោទនភាពរបស់កម្ពុជានៅលេីឆាកអន្តរជាតិ ហើយត្រូវបានប្រជាជនកម្ពុជាអបអរសាទរចំពោះជោគជ័យដ៏ត្រចះត្រចង់នេះ ។
ឧត្តមសេនីយ៍ទោ សោម ស៊ុន បានក្រើនរំលឹកដល់យោធិនគ្រប់រូប ត្រូវប្តេជ្ញាចិត្តដាច់ខាត ក្នុងការការពារ ជាតិ សាសនា ព្រះមហាក្សត្រ និងការពាររាជរដ្ឋាភិបាលស្របច្បាប់ នឹងត្រូវអនុវត្តឱ្យបានម៉ឺងម៉ាត់តាមច្បាប់លក្ខន្តិកៈ និងបទវិន័យទូទៅរបស់កងយោធពលខេមរភូមិន្ទ នឹងត្រូវបន្តសិក្សារៀនសូត្រអំពីសេចក្តីណែនាំលេខ០០៣ របស់ក្រសួងការពារជាតិ ឲ្យបានជាប់ជាប្រចាំ។
ឧត្តមសេនីយ៍ទោ សោម ស៊ុន បានប្រគល់ភារកិច្ចសំខាន់ៗមួយចំនួន ជូនដល់យោធិនគ្រប់រូប ត្រូវបន្តហ្វឹកហ្វឺនរៀនសូត្រការងារអប់រំចិត្តសាស្ត្រជូនដល់កងកម្លាំងឲ្យបានជាប្រចាំ និងយកចិត្តទុកដាក់ភារកិច្ចកាងារកសាងអង្គភាពរឹងមាំលើគ្រប់វិស័យ តាមផែនការដែលថ្នាក់លើបានប្រគល់ជូន នឹងត្រូវបន្តសកម្មភាពទៅបម្រើ និងជួយដោះស្រាយនៅរាល់ការលំបាកខ្វះខាត ជូនប្រជាជន និងបងប្អូនអតីតយុទ្ធជននៅតាមមូលដ្ឋាននានាក្នុងភូមិសាស្ត្រទទួលខុសត្រូវ ដោយអនុវត្តតាមទិសស្លោកកងទ័ពជាកូនចៅរបស់ប្រជា ជន និងអ្វីៗដើម្បីប្រជាជន។ ជាមួយនោះផងដែរ ត្រូវបន្តសហការជាមួយអាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទ ដើម្បីចូលរួមអនុវត្តឱ្យបានជោគជ័យនូវគោលនយោបាយភូមិឃុំមានសុវត្ថិភាពផងដែរ៕
