កម្ពុជាទទួលបានចំណូលពីការនាំចេញកសិផលជាង ៣០៦៩ លានដុល្លា ក្នុងរយៈពេល១០ខែ
ភ្នំពេញ៖ តាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា រយៈពេល១០ខែ ពោលចាប់ពីខែមករា ដល់ខែតុលា ឆ្នាំ២០២២ កម្ពុជាទទួលបានចំណូល ពីការនាំចេញកសិផលមានចំនួន ៣ ០៦៩ ៩៧២ ៣៤៩ដុល្លារអាមេរិក។
របាយការណ៍ បានគូសបញ្ជាក់ថា ការប៉ាន់ស្មានតម្លៃគិតជាទឹកប្រាក់ រយៈពេល១០ខែ ឆ្នាំ២០២២ ដែលទទួលបានពីការនាំចេញកសិផល (ឯកតាតម្លៃផ្អែកតាមវិក្កយបត្ររបស់អ្នកនាំចេញ) មានចំនួន ៣ ០៦៩ ៩៧២ ៣៤៩ដុល្លារអាមេរិក ដែលក្នុងនោះរួមមាន៖
*ការនាំចេញអង្ករមានបរិមាណចំនួន៥០៩ ២៤៩តោន កើនឡើង៤៩ ០៨០តោន (១០.៦៧%) មានទឹកប្រាក់ ៤៣៥ ៤០៧ ៨៩៥ដុល្លារ
* ការនាំចេញស្រូវមានបរិមា ២ ៤៤០ ១១២តោន ថយចុះចំនួន២១៩ ៨៧៨តោន (-៨.២៧%) មានទឹកប្រាក់ ៤៩២ ៩០២ ៦២៤ដុល្លារ * ការនាំចេញកសិផលក្រៅពីស្រូវ-អង្ករមានបរិមាណ ៤ ៦៦៩ ៩៧៤តោន កើនឡើងចំនួន ៤៤៨ ៨២១តោន (១០.៦៣%) មានទឹកប្រាក់ ២ ១៤១ ៦៦១ ៨៣០ដុល្លារ។
ការនាំចេញកសិផលក្រៅពីស្រូវ-អង្ករ រួមមាន៖
* ចំណិតដំឡូងមីក្រៀម មានចំនួន ១ ៦៧០ ០៩០តោន (កើនឡើងចំនួន ២៤.៩៨%) * ម្សៅដំឡូងមី មានចំនួន ៥២ ០៩៣តោន (កើនឡើងចំនួន ៩៣.១៤%) * កាកសំណល់ដំឡូងមី មានចំនួន ៩ ១៧៩តោន (កើនឡើងចំនួន ២៥.៨១%) * គ្រាប់ស្វាយចន្ទីឆៅ មានចំនួន ៤៦៩ ៥១៥ តោន (ថយចុះចំនួន -៤៨.៥៩%) * គ្រាប់ស្វាយចន្ទីកែច្នៃ មានចំនួន ៥៩៩ តោន (ថយចុះចំនួន -៥៨.៩៣%) * គ្រាប់ពោត មានចំនួន ១៥៤ ៩៤៨ តោន (ថយចុះចំនួន -១.៣៩%) * គ្រាប់សណ្ដែកបាយ មានចំនួន ៣៥ ០២៥ តោន (កើនឡើងចំនួន ៣៨.១៥%) * គ្រាប់សណ្តែកសៀង មានចំនួន ១១៥ ៩៣៥តោន (កើនឡើងចំនួន ១២២.០៥%) * ផ្លែចេកស្រស់ មានចំនួន ៣២៥ ៨៥៩ តោន (ថយចុះចំនួន -១១.៧៩%) * ផ្លែស្វាយស្រស់ មានចំនួន ១៣៨ ៣៧៧ តោន (ថយចុះចំនួន -៣១.៥៤%) * ដំណាប់ស្វាយ មានចំនួន ១៥ ៨១៦ តោន (កើនឡើងចំនួន ១.០៦%) * ដូងប្រេង មានចំនួន ៥៤ ៨៧៨ តោន (កើនឡើងចំនួន ១២.៥១%) * ម្រេច មានចំនួន ៧ ៧០៤ តោន (ថយចុះចំនួន -៧២.១២%) * ថ្នាំជក់ មានជាង ៥ ៦៩៧ តោន កើនឡើងចំនួន ៤៤.៨២%) * បន្លែចម្រុះមានជាង ៨០តោន (ថយចុះចំនួន -៤.៦៦%)៕
