នគរបាលស្រុកស្វាយចេក ប្រគល់គ្រាប់យុទ្ធភ័ណ្ឌមិនទាន់ ផ្ទុះ សល់ពីសម័យសង្គ្រាម ដល់អង្គភាពស៊ីម៉ាក់
ភ្នំពេញ៖ យោងការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅថ្ងៃទី២២ ខែធ្នូ ឆ្នាំ២០២២នេះ លោកវរសេនីយ៍ឯក ជា ស្លូញ អធិការ នៃអធិការដ្ឋាននគរបាលស្រុកស្វាយចេក បានធ្វើការប្រគល់គ្រប់យុទ្ធភ័ណ្ឌមិនទាន់ផ្ទុះសល់ពីសម័យសង្គ្រាមច្រេះស៊ីបាតឃ្លាំង ជូនអង្គភាពសកម្មភាពកម្ចាត់មីនកម្ពុជា(ស៊ីម៉ាក់-CMAG) ។
លោកវរសេនីយ៍ត្រី រឿន សាយកន អធិការរងនគរបាលស្រុកស្វាយចេក ធ្វើពិធីប្រគល់គ្រាប់មិនទាន់ផ្ទុះរួមមាន ៖ ១-គ្រាប់បែកដៃចំនួន ៤គ្រាប់, ២-គ្រាប់ស៊ីវ៉ែនធីណៃ(M79)ចំនួន៧គ្រាប់, ៣-គ្រាប់កាំភ្លើងដៃ(AK)ចំនួន១គីឡូក្រាម, ៤-សាសបេ ចំនួន១, ៥-AK៤៧ច្រេះចាប់ខូចគុណភាពចំនួន៤ដើម ។
សូមបញ្ជាក់ថា គ្រាប់ទាំងនេះគឺមាននៅក្នុងឃ្លាំងចាស់ ដោយអង្គភាពត្រូវការរុះរើសាងសង់អគារថ្មី ដើម្បីចៀសវាងមានគ្រាប់ចាស់ទាំងនោះ បង្កគ្រោះថ្នាក់ជាយថាហេតុ ទើបសមត្ថកិច្ច ធ្វើពិធីប្រគល់ជូន អង្គភាពស៊ីម៉ាក់យកទៅកម្ទេចចោល៕
