សម្ដេចក្រឡាហោម ស ខេង អញ្ជើញប្រគល់ពានរង្វាន់ដល់កីឡាករជ័យលាភីនៃការប្រកួតកីឡាវាយកូនគោល ពានរង្វាន់សម្តេចតេជោលើកទី៦
ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាតំណាងសម្តេចតេជោនាយករដ្ឋមន្ត្រី បានអញ្ជើញប្រគល់ពានរង្វាន់ដល់កីឡាករជ័យលាភីដែលបានចូលរួមក្នុងការប្រកួតកីឡាវាយកូនគោល «ពានរង្វាន់សម្តេចតេជោលើកទី៦» នារសៀលថ្ងៃទី២៤ ខែធ្នូ ឆ្នាំ២០២២ នៅទីលានវាយកូនគោលវឌ្ឍនៈហ្គោលរីហ្សត ខណ្ឌច្បារអំពៅ រាជធានីភ្នំពេញ។
ពិធីបើកការប្រកួតកីឡាវាយកូនគោលពានរង្វាន់សម្តេចតេជោលើកទី៦នេះ ធ្វើឡើងក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសនៃការអបអរសាទរការបិទបញ្ចប់ភ្លើងសង្គ្រាមនៅកម្ពុជា ក្រោមនយោបាយឈ្នះ-ឈ្នះរបស់សម្តេចតេជោតាំងពីឆ្នាំ១៩៩៨ ហើយរហូតដល់ឆ្នាំ២០២២នេះ គឺមានរយៈពេល២៤ឆ្នាំហើយ។
ការប្រកួតនៅឆ្នាំនេះមានការចូលរួមពីកីឡាករជាតិ-អន្តរជាតិសរុបប្រមាណ១៧២រូប។ ការប្រកួតនេះមានការប្រកួតជាក្រុម និងការប្រកួតជាឯកត្តជនផ្នែកបុរសនិងនារី។
ក្រោយបញ្ចប់ការប្រកួត កីឡាករជ័យលាភីក៏បានបង្ហាញឡើង និងទទួលបានកិត្តិយសពីសំណាក់សម្ដេចក្រឡាហោម ស ខេង ក្នុងនាមតំណាងសម្ដេចតេជោ ហ៊ុន សែន ក្នុងការអញ្ជើញប្រគល់ពានរង្វាន់ជូនម្ចាស់ជ័យលាភីទាំងនោះ។
សម្រាប់ពានរង្វាន់ជាក្រុម [West Course] រួមមាន៖
* លេខ១ បានទៅលើក្រុមកីឡាករដែលរួមមាន៖ សម្ដេចក្រឡាហោម ស ខេង នាយឧត្តមសេនីយ៍ នេត សាវឿន និងនាយឧត្តមសេនីយ៍ គៀត ចន្ទថារិទ្ធ។
* លេខ២ បានទៅលើក្រុមកីឡាករដែលរួមមាន៖ លោកឧកញ៉ា ឈុន អូន លោកឧកញ៉ា សំអាង និងលោកឧកញ៉ា សៀន សូយ៉ានី។
* លេខ៣ បានទៅលើក្រុមកីឡាករដែលរួមមាន៖ លោកឧកញ៉ា លី ឃុនថៃ លោក ហាន់ ចឺ [Han Zhe] និងលោក សួស សារិទ្ធ។
សម្រាប់ពានឯកត្តជនផ្នែកនារី [Est Course] រួមមាន៖
* ពាននារី Gross Score បានទៅលើកីឡាការិនី Rann Sokouey។
* ពាននារី CGF-HDC លេខ១ បានទៅលើកីឡាការិនី Keo Sokneang។
* ពាននារី CGF-HDC លេខ២ បានទៅលើកីឡាការិនី Khun Longnich។
សម្រាប់ពានឯកត្តជនផ្នែកនារី [Est Course] រួមមាន៖
ប្រភេទពាន CGF-HDC៖
* ពានបុរស CGF-HDC លេខ១ បានទៅលើលោក Harm Vantha។
* ពានបុរស CGF-HDC លេខ២បានទៅលើលោក Ung Raksmey។
* ពានបុរស CGF-HDC លេខ៣ បានទៅលើលោក Pay Sam។
ប្រភេទពាន Gross Score៖
* ពានបុរស Gross Score លេខ១ បានទៅលើលោកឧកញ៉ា Ly Hong។
* ពានបុរស Gross Score លេខ២ បានទៅលើលោក Peou Pich Meta។
* ពានបុរស Gross Score លេខ៣ បានទៅលើលោក Seng Van Sieha។
គួរបញ្ជាក់ថា ព្រឹត្តិការណ៍ប្រកួតកីឡាវាយកូនគោលនាថ្ងៃនេះដែរ ក៏ជាការបង្កើតបរិយាកាសរឹតចំណង មេត្រីភាព សាមគ្គីភាពរវាងអ្នកលេងកីឡាវាយកូនគោលផងដែរ។ កីឡាករដែលចូលរួមប្រកួតនេះ ភាគច្រើនជាថ្នាក់ដឹកនាំរាជរដ្ឋាភិបាល តាមបណ្តាក្រសួងស្ថាប័នរបស់រដ្ឋ អភិបាលខេត្ត ព្រមទាំងឯកអគ្គរាជទូត/រដ្ឋទូត បណ្តាប្រទេសជាមិត្តប្រចាំនៅកម្ពុជា៕
