រដ្ឋបាលខេត្តតាកែវ រៀបចំកិច្ចប្រជុំបូកសរុប វាយតម្លៃលទ្ធផលការអនុវត្តអនុស្សារណៈយោគយល់ឆ្នាំ ២០១៩-២០២២ និងទិសដៅអនុវត្តបន្ត ២០២២-២០២៥ រវាងរណសិរ្សសាមគ្គីអភិវឌ្ឍន៍មាតុភូមិកម្ពុជា ខេត្តតាកែវ និងរណសិរ្សមាតុភូមិវៀតណាម ខេត្តអានយ៉ាង

ភ្នំពេញ៖ ឯកឧត្តមអ៊ូច ភា អភិបាលនៃគណៈអភិបាលខេត្ត និងជាប្រធានគណៈកម្មាធិការរណសិរ្សសាមគ្គី អភិវឌ្ឍន៍មាតុភូមិកម្ពុជា ខេត្តតាកែវ ឯកឧត្តម អ៊ុន វណ្ណា សមាជិកក្រុមប្រឹក្សាខេត្ត និងជាអនុប្រធានអចិន្ត្រៃយ៍គណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តនៅព្រឹកថ្ងៃ អាទិត្យ ទី២៥ខែធ្នូ ឆ្នាំ២០២២ បានអញ្ជើញចូលរួមកិច្ចប្រជុំបូកសរុប វាយតម្លៃលទ្ធផលការអនុវត្តអនុស្សារណៈ យោគយល់ឆ្នាំ ២០១៩-២០២២ និងទិសដៅអនុវត្តបន្ត ២០២២-២០២៥ រវាងរណសិរ្សសាមគ្គីអភិវឌ្ឍន៍មាតុភូមិកម្ពុជា ខេត្តតាកែវ និងរណសិរ្សមាតុភូមិវៀតណាម ខេត្តអានយ៉ាង។

កម្មវិធីខាងលើនេះមានអញ្ជើញដោយ លោក ង្វៀន ទៀកហ៊ុង សមាជិកអចិន្រ្តៃយ៍ខេត្ត និងជាប្រធានគណៈកម្មាធិការរណសិរ្សមាតុភូមិវៀតណាមខេត្តអានយ៉ាង និងគណប្រតិភូ ព្រមទាំង លោក លោកស្រី អភិបាលរងខេត្ត លោកនាយករដ្ឋបាល លោក អភិបាលស្រុកទាំង៤ លោកប្រធានក្រុមប្រឹក្សាឃុំ លោកមេឃុំទាំង១០ដែលជាប់ព្រំដែនវៀតណាម និងលោកប្រធាន អនុប្រធានការិយាល័យច្រកចេញ ចូលតែមួយខេត្ត លោកប្រធានអនុប្រធានការិយាល័យប្រជាពលរដ្ឋ និងលោក លោកនាយក នាយករងទីចាត់ការ ប្រធានការិយាល័យ ចំណុះរដ្ឋបាលខេត្ត ជាច្រើនរូបផងដែរនៅសាលប្រជុំខេត្តតាកែវ៕