មេបញ្ជាការស្តីទីយោធភូមិភាគទី៥ ដឹកនាំកិច្ចប្រជុំបូកសរុបការងារយោធាសន្តិសុខ សប្ដាហ៍ទី៤ ខែធ្នូ ឆាំ២០២២

ភ្នំពេញ៖ ឧត្តមសេនីយ៍ទោ សេង ធារិន មេបញ្ជាការស្តីទីយោធភូមិភាគទី៥ នៅថ្ងៃទី២៦ ខែធ្នូ ឆ្នាំ២០២២ បានអញ្ជើញជាអធិបតីក្នុងកិច្ចប្រជុំបូកសរុបការងារយោធាសន្តិសុខ សប្ដាហ៍ទី៤ ខែធ្នូឆាំ២០២២ ដែលមាន ការអញ្ជើញចូលរួមពី មេបញ្ជាការរង នាយសេនាធិការរង នាយ នាយរងការិយាល័យចំណុះ ទាំង១៩ នាយកសាលាពលទាហានទី៥ នាយកមន្ទីរពេទ្យយោធភូមិភាគទី៥ មេបញ្ជាការរងតំបន់ ប្រតិបត្តិការ សឹករងបាត់ដំបង មេបញ្ជាការវរសេនាតូច និងមេបញ្ជាការកងអនុសេនាធំចំណុះ យោធភូមិភាគទី៥។

លោកមេបញ្ជាការស្តីទី មានប្រសាសន៍បូកសរុបវាយតម្លៃ និងកោតសរសើរដល់ការខិតខំប្រឹងប្រែង របស់បណ្តាជំនាញនិងអង្គភាពចំណុះ ដែលសម្រេចបានការងារល្អប្រសើរ ដោយរលូនក្នុងសប្តាហ៍កន្លងមក នេះ។

លោកឧត្តមសេនីយ៍ទោ ក៏បានបញ្ជាក់ថា ត្រូវបន្តយកចិត្តទុកដាក់អនុវត្តភារកិច្ចដើម្បីទទួលបានលទ្ធផលល្អ យកចិត្តទុកដាក់ជំរុញដល់ការហ្វឹកហ្វឺនក្នុងយោធភូមិភាគទី៥ ក៏ដូចជាតាមបណ្តាកងឯកភាព ដើម្បីពង្រឹង និងបង្កើនសមត្ថភាពយោធិន បន្តយកចិត្តទុកដាក់ជំរុញការងារសាងសង់តាមបណ្តាអង្គភាព បន្តការងារអបរំ ចិត្តសាស្រ្តដល់នាយទាហាន នាយទាហានរង ពលទាហាននិងបន្តប្រុងប្រយ័ត្នចំពោះ ជំងឺកូវីដ-១៩ដោយបន្ត អនុវត្តវិធានការ ៣កុំ ៣ការពារ អោយបានខ្ជាប់ខ្ជួន៕