ឯកឧត្តម គួច ចំរើន ផ្ដល់អំណោយមនុស្សធម៌កាកបាទក្រហម ចែកជូនប្រជាពលរដ្ឋមានជីវភាពខ្វះខាត ១គ្រួសារ ស្ថិតនៅសង្កាត់លេខ១ ក្រុងព្រះសីហនុ

ភ្នំពេញ៖ ដោយមានការយកចិត្តទុកដាក់ខ្ពស់ចំពោះសុខទុក្ខប្រជាពលរដ្ឋពីសំណាក់ឯកឧត្តម គួច ចំរើន ប្រធានគណៈកម្មាធិការសាខា នៅរសៀលថ្ងៃចន្ទ ទី២៦ ខែធ្នូ ឆ្នាំ២០២២ បានចាត់ឲ្យលោកជំទាវ ប្រាក់ ច័ន្ទ សុខា ហេរញ្ញិកគណៈកម្មាធិកា៍សាខា មន្រ្តីសាខា អនុសាខា និងអ្នកស្ម័គ្រចិត្ត នាំយកអំណោយមនុស្សធម៌ របស់សាខាកាកបាទក្រហមខេត្ត ចែកជូនប្រជាពលរដ្ឋមានជីវភាពខ្វះខាត ចំនួន ១គ្រួសារ ស្ថិតនៅ ភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ។

ក្នុងឱកាសនោះដែរលោកជំទាវ ប្រាក់ ច័ន្ទសុខា បានពាំនាំនូវប្រសាសន៍ផ្ដាំផ្ញើសួរសុខទុក្ខនិងក្ដីនឹករលឹក អាណិតអាសូរក្រៃលែងពីសំណាក់ ឯកឧត្តម ប្រធានគណៈកម្មាធិការសាខា ជាពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្ដាំផ្ញើសាកសួរសុខទុក្ខជូនដល់បងប្អូនប្រជាពលរដ្ឋ រងគ្រោះដោយក្តីនឹករលឹក និងតែងតែគិតគូរជានិច្ចអំពីសុខទុក្ខរបស់ប្រជាពលរដ្ឋទាំងអស់ ដោយមិនប្រកាន់ ពូជសាសន៍ សាសនា ឬនិន្នាការនយោបាយអ្វីឡើយ ។

ជាមួយគ្នានេះលោកជំទាវ ក៏សូមអំពាវនាវដល់គ្រួសារទាំងអស់មបន្តអនុវត្តឲ្យបានខ្ជាប់ខ្ជួន នូវវិធានការរបស់ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី គឺ៖ ៣ការពារ និង ៣ កុំ ដើម្បីចូលរួម ទប់ស្កាត់ និងការពារការរីករាលដាលនៃជំងឺកូវីដ១៩ ទាំងអស់គ្នា ហើយសូមចូលរួមនាំគ្នាទៅចាក់វ៉ាក់សាំង ដូសជំរុញអោយបានគ្រប់ៗគ្នា។

សម្ភារៈសាខាផ្ដល់ជូនមាន៖ អង្ករ ២៥គីឡូក្រាម មី ១កេស ត្រីខ ១យួរ ម៉ាស់ ១កញ្ចប់ ទឹកត្រី ១យួរ ឃីតទារក១ ឃីតមនុស្សចាស់១(មុង១ ភួយ១ ក្រមា១ សារុង១) និងថវិកាចំនួន ៥០ម៉ឺនរៀល៕