សម្តេច ហេង សំរិន អនុញ្ញាតឲ្យឯកឧត្តម កៅ គឹមហួន ចូលជួបសម្តែងការគួរសម ទទួលអនុសាសន៍ណែនាំ និងជម្រាបលា
ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុញ្ញាតឱ្យ ឯកឧត្តម កៅ គឹមហួន រដ្ឋមន្រ្តីប្រតិភូអមនាយករដ្ឋមន្រ្តី និងឯកឧត្តម លុច្ស តារា ជំនួយការសម្តេចតេជោ នាយករដ្ឋមន្រ្តី និងជាប្រធានក្រុមលេខាធិការ ឯកឧត្តម កៅ គឹមហួន ចូលជួបសម្តែងការគួរសម ទទួលអនុសាសន៍ណែនាំ និងជម្រាបលា ក្នុងឱកាសដែល ឯកឧត្តម កៅ គឹមហួន រដ្ឋមន្រ្តីប្រតិភូអមនាយករដ្ឋមន្រ្តី ត្រូវបានបណ្តាប្រមុខរដ្ឋ/រដ្ឋាភិបាលអាស៊ាន អនុម័តតែងតាំងជា អគ្គលេខាធិការអាស៊ាន សម្រាប់អាណត្តិ ៥ឆ្នាំ (២០២៣-២០២៧)។
