សប្បុរសជនឧបត្ថម្ភថវិកាជិត ៣លានដុល្លារទៀត សម្រាប់ការផលិតភាពយន្តភាគរឿង កូនប្រុសក្រោមពន្លឺព្រះចន្ទពេញបូណ៌មី

ភ្នំពេញ៖ សប្បុរសជន អ្នកឧកញ៉ា ឧកញ៉ា ព្រមទាំងមន្ត្រីជាន់ខ្ពស់រាជរដ្ឋាភិបាលកម្ពុជាបានឧបត្ថម្ភថវិកាផ្ទាល់ខ្លួនសរុបជិត ៣លានដុល្លារបន្ថែម សម្រាប់ការលិតភាពយន្តភាគរឿង [កូនប្រុសក្រោមពន្លឺព្រះចន្ទពេញបូណ៌មី]។

ក្រោមការឧបត្ថម្ភនេះ បានធ្វើឡើងនៅក្នុងពិធីសំណេះសំណាល រវាងសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាតក្រហមកម្ពុជា នៅព្រឹកថ្ងៃសៅរ៍ ទី៣១ ខែធ្នូ ឆ្នាំ២០២២នេះ។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅព្រឹកថ្ងៃសៅរ៍ ទី៣១ ខែធ្នូ ឆ្នាំ២០២២នេះ បានជួបសំណេះសំណាលជាមួយក្រុមការងារផលិតខ្សែភាពយន្តភាគ រឿង [កូនប្រុសក្រោមពន្លឺព្រះចន្ទពេញបូណ៌មី]។

សម្តេចតេជោ ហ៊ុន សែន លោកធ្លាប់បានបញ្ជាក់ថា ជំនួបនេះ ធ្វើឡើងដើម្បីលើកទឹកចិត្តដល់ក្រុមការងារផលិត ក៏ដូចជាអ្នកសម្តែងទាំងអស់ ដែលបានប្រឹងប្រែងអស់កម្លាំងកាយចិត្តក្នុងការផលិតខ្សែភាពយន្តបែបប្រវត្តិសាស្ត្រ ពាក់ព័ន្ធដំណើរជីវិតតស៊ូក្នុងបុព្វហេតុជាតិមាតុភូមិរបស់សម្តេចតេជោ និងសម្តេចកិត្តិព្រឹទ្ធបណ្ឌិត។