នាយករដ្ឋមន្ត្រីកម្ពុជា រំពឹងថានឹងបានអញ្ជើញ ទៅបំពេញទស្សនកិច្ចនៅចិន ឆាប់ៗនេះ
ភ្នំពេញ៖ ក្នុងពីធីបើកការដ្ឋានសាងសង់ ស្ពានឆ្លងកាត់ទន្លេមេគង្គខេត្តក្រចេះ និងផ្លូវតភ្ជាប់ក្រោមឥណទានសម្បទាន ពីរដ្ឋាភិបាលប្រជាមានិតចិន នាថ្ងៃទី២ ខែមករា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានថ្លែងដោយរំពឹងថា សម្តេចបានអញ្ជើញទៅបំពេញទស្សនកិច្ច នៅប្រទេសចិន ក្នុងពេលឆាប់ៗខាងមុខនេះ ។
សម្តេចតេជោ ហ៊ុន សែន គូសបញ្ជាក់ថា ដំណើរទស្សនកិច្ចរបស់សម្តេច ទៅកាន់ប្រទេសចិន នឹងសម្រេចលើកិច្ចព្រមព្រៀង សាងសង់ហេដ្ឋារចនាសម្ព័ន្ធមួយចំនួនទៀត រួមមានផ្លូវល្បឿនលឿនភ្នំពេញ ទៅក្រុងបាវិតជាដើម ៕
