ធឿន ធារ៉ា ស្ថិតនៅចំណាត់ថ្នាក់លេខ១ ក្នុងចំណោមអ្នកប្រដាល់ ទូទាំងពិភពលោក៣០នាក់
កីឡា៖ កីឡាករប្រដាល់គុនខ្មែរ ធឿន ធារ៉ា បានក្លាយជាកីឡាករខ្មែរទី១ឈ្នះខ្សែក្រវាត់ពិភពលោក Muay Thai បន្ទាប់ពីផ្តួលម្ចាស់ផ្ទះថៃ Saiyok Pumpanmuang ក្នុងទឹកទី១ ហើយទទួលបានប្រាក់ឧបត្ថម្ភលើកទឹកច្រើនពីសប្បុរសជនក្នុងស្រុក។
WMO ដែលជាស្ថាប័នកីឡាប្រដាល់មួយថៃពិភពលោក បានធ្វើបច្ចុប្បន្នភាពតារាងចំណាត់ថ្នាក់ពិភពលោកថ្មី។ ការធ្វើបច្ចុប្បន្នភាពនេះឃើញថា អ្នកលេងគុនខ្មែរ ធឿន ធារ៉ា ស្ថិតនៅចំណាត់ថ្នាក់លេខ១ (ជើងឯក) សម្រាប់ប្រភេទទម្ងន់៧២គីឡូក្រាម ក្នុងចំណោមអ្នកប្រដាល់ទូទាំងពិភពលោក៣០នាក់។
តំណែងជើងឯកលេខ១ក្នុងលោកនេះ គ្រប់គ្រងដោយកីឡាករថៃ Saiyok តាំងពីឆ្នាំ២០១៥មក ត្រូវបានបញ្ចប់ដោយកីឡាករកម្ពុជា ធឿន ធារ៉ា ហើយកីឡាករថៃ Saiyok បានធ្លាក់ទៅចំណាត់ថ្នាក់លេខ៥ ខណៈកីឡាករថៃ Beckham BigWinChampionGym ដែលទើបតែចាញ់ ធឿន ធារ៉ា ដោយពិន្ទុកាលពីថ្ងៃទី៣១ ខែធ្នូ កន្លងទៅនេះស្ថិតនៅចំណាត់ថ្នាក់លេខ២៕
