នគរបាលស្រុកឯកភ្នំបង្រ្កាបករណីគ្រឿងញៀនមួយករណីឃាត់ខ្លួនអ្នកប្រព្រឹត្តចំនួន៤នាក់ អនុវត្តតាមច្បាប់
ភ្នំពេញ៖ កាលពីថ្ងៃទី៣ ខែមករា ឆ្នាំ២០២៣វេលាម៉ោង១៩និង៣០នាទីនៅចំណុច ភូមិបាក់រទេះ ឃុំព្រែកហ្លួង ស្រុក ឯកភ្នំ ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន និងដោយមានការអនុញ្ញាតពីឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង ផងនោះលោកវរសេនីយ៍ឯក ឡុង យោធាវីរៈ អធិការនគរបាលស្រុកឯក ភ្នំ បានដឹកនាំកម្លាំងផ្នែកប្រឆាំងគ្រឿងញៀនរួមជាមួយកម្លាំងផ្នែកសន្តិសុខនៃអធិការដ្ឋាននគរបាលស្រុកឯកភ្នំចុះប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀនចំនួន០១ករណីក្នុងបទល្មេីសជាក់ស្តែង។
ក្នុងកិច្ចប្រតិបត្តិការនេះសមត្ថកិច្ចបានឃាត់ខ្លួនជនសង្ស័យចំនួន០៣នាក់គឺ៖
១-ឈ្មោះ ចាន់ វ៉ាន់ឌី ភេទប្រុស អា យុ២០ឆ្នាំ រស់នៅភូមិស្តីលេី ឃុំព្រែកហ្លួង ស្រុកឯកភ្នំ ខេត្តបាត់ដំបង ។
២-ឈ្មោះ ជឿន បញ្ញា ភេទប្រុស អា យុ២០ឆ្នាំរស់នៅភូមិបាក់រទេះ ឃុំព្រែកហ្លួង ស្រុកឯកភ្នំខេត្តបាត់ដំបង។
៣-ឈ្មោះ ជឿន សុខជា ភេទប្រុស អា យុ២៥ឆ្នាំ រស់នៅ
ភូមិ បាក់រទេះ ឃុំព្រែកហ្លួង ស្រុកឯកភ្នំ។
៤-ឈ្មោះធឿន ស្រីពៅ ភេទស្រី អា យុ២៤ឆ្នាំរស់នៅភូមិ ពោធិ៍២ ឃុំគារ ស្រុកមោងឫស្សី ខេត្តបាត់ដំបង។
វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកសថ្លាចំនួន០២ថង់(ទម្ងន់ ៣,០០ក្រាមទាំងសម្បក)សង្ស័យមានសារធាតុញៀន។
-ទូរស័ព្ទដៃចំនួន០២គ្រឿង។
នៅពេលនេះនគរបាលស្រុកបាននិងកំពុងកសាងឯកសារដេីម្បីបញ្ជូនមកកាន់ផែនជំនាញអនុវត្តបន្តតាមនីតិវិធីច្បាប់៕
