ឯកឧត្តម លន់ លឹមថៃ អញ្ជើញចូលរួមប្រារព្ធពិធីអបអរសាទររំលឹកខួបទី៤៤ នៃទិវាជ័យជម្នះ៧មករា
ភ្នំពេញ៖ ឯកឧត្តម លន់ លឹមថៃ តំណាងរាស្ត្ត្រមណ្ឌលខេត្តកំពង់ចាម និងជាលេខាធិការគណ:កម្មការទី៣ នៃរដ្ឋសភា នាព្រឹកថ្ងៃទី៨ ខែមករា ឆ្នាំ២០២៣ បានអញ្ជើញចូលរួមក្នុងមីទ្ទិញអបអរសាទរ ខួបអនុស្សាវរីយ៍លេីកទី៤៤ ថ្ងៃជ័យជម្នះ ៧មករា លេីរបបប្រល័យពូជសាសន៍ ប៉ុល ពត (៧ មករា ១៩៧៩-៧ មករា ២០២៣) ក្រោមអធិបតីភាពដ៏ខ្ពង់ខ្ពស់ ឯកឧត្តម យឹម ឆៃលី ឧបនាយករដ្ឋមន្ត្រី ក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានក្រុមការងាររាជរដ្ឋាភិបាលចុះជួយមូលដ្ឋាន ខេត្តកំពង់ចាម។
ពិធីដ៏មានអត្ថន័យនេះ មានការអញ្ជើញចូលរួមពីសំណាក់ឯកឧត្តម ហ៊ុន ម៉ានិត នាយករងខុទ្ទកាល័យសម្ដេចតេជោ ហ៊ុន សែន និងជាអនុប្រធានទី១ ក្រុមការងាររាជរដ្ឋាភិបាលចុះជួយមូលដ្ឋានខេត្តកំពង់ចាម ឯកឧត្តម អ៊ុន ចាន់ដា អភិបាលខេត្តកំពង់ចាម ឯកឧត្តមរដ្ឋមន្ត្រី ឯកឧត្ដម លោកជំទាវសមាជិកព្រឹទ្ធសភា និងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ អាជ្ញាធរមូលដ្ឋាន អង្គការ សមាគមក្រៅរដ្ឋាភិបាល លោកគ្រូអ្នកគ្រូ សិស្សានុសិស្ស យុវជន រួមនិងបងប្អូនប្រជាពលរដ្ឋប្រមាណជិត ១ម៉ឺននាក់ ដែលពិធីនេះធ្វើឡើងនៅលើបរវេណវិមានឯករាជ្យ ខេត្តកំពង់ចាម ៕
