សម្ដេចតេជោ ហ៊ុន សែន ព្រមានប្រើសិទ្ធិការពារខ្លួន បើបក្សប្រឆាំង នៅតែបន្តវាយប្រហារលើ បក្សប្រជាជនកម្ពុជា
ភ្នំពេញ៖ ក្នុងពិធីបើកការដ្ឋានសាងសង់ពង្រីក និងលើកកម្រិតគុណភាពកំណាត់ផ្លូវជាតិលេខ៧ ចាប់ពីរង្វង់មូលស្គន់ ទីរួមស្រុកជើងព្រៃ រហូតដល់ទីរួមខេត្តកំពង់ចាម នាថ្ងៃទី៩ មករានេះ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានព្រមានប្រើសិទ្ធិការពារខ្លួន ប្រសិនបើបក្សប្រឆាំង នៅតែបន្តវាយប្រហារលើ គណបក្សប្រជាជនកម្ពុជា ។
សម្តេចតេជោ ហ៊ុន សែន មានប្រសាសន៍ថា សន្តិភាពផ្សារភ្ជាប់នឹងអភិវឌ្ឍ នៅតែជាគោលនយោបាយអាទិភាព របស់គណបក្សប្រជាជនកម្ពុជា។
នាឱកាសនោះដែរ សម្តេចតេជោ ក៏បានអំពាវនាវឱ្យគណបក្សនយោបាយ ដែលចង់ឈ្នះឆ្នោតឱ្យបញ្ឈប់ការ វាយប្រហារលើបក្សប្រជាជនកម្ពុជា។
សម្តេចតេជោសង្កត់ធ្ងន់ថា សម្តេចនឹងបញ្ចប់ការនិយាយ មូលបង្កាច់របស់បក្សប្រឆាំង ចោទបក្សប្រជាជនជា «ចោរលួចសន្លឹកឆ្នោត» នៅក្រោយពេលបោះឆ្នោត ដោយការប្រើយន្តការច្បាប់ ។
សម្តេចតេជោ ក៏បានឆ្លើយតបនឹងការចោទប្រកាន់ និងវាយប្រហារបក្សប្រជាជនកម្ពុជា ពីសំណាក់បក្សប្រឆាំងថា ជម្រើសមានតែពីរទេ គឺវិធានការច្បាប់ និងដំបង។ សម្ដេចក៏បានចោទសួរថា ជំរើសទាំងពីរនេះ តើរើសយកមួយណា? ៕
