ឯកឧត្ដម ហេង រតនា លោក សោម៉ានី ម៉ានីវង្ស និងទីប្រឹក្សាJICA បើកវគ្គហ្វឹកហ្វឺន ផ្លាស់ប្តូរបទពិសោធន៍ចំណេះដឹង លើការងារគ្រប់គ្រង់កិច្ចប្រតិបត្តិការ រវាងអង្គភាពស៊ីម៉ាក់ និងអង្គភាព UXO LAO
ភ្នំពេញ៖ ឯកឧត្ដម ហេង រតនា អគ្គនាយកស៊ីម៉ាក់ និងលោក សោម៉ានី ម៉ានីវង្ស (Saomany Manivong) នាយកស្តីទីអង្គភាពបោសសម្អាតយុទ្ធភណ្ឌ មិនទាន់ផ្ទុះនៃប្រទេសឡាវ ព្រមជាមួយលោក Hayashi Akihito ទីប្រឹក្សាJICA នាថ្ងៃទី៩ ខែមករា ឆ្នាំ២០២៣ បានធ្វើជាអធិបតីក្នុងពិធីបើកវគ្គហ្វឹកហ្វឺន ស្តីពីការផ្លាស់ប្តូរបទពិសោធន៍ចំណេះដឹង លើការងារគ្រប់គ្រង់កិច្ចប្រតិបត្តិការ រវាងអង្គភាពស៊ីម៉ាក់និងអង្គភាព UXO LAO ក្រោមគម្រោងសហប្រតិបត្តិការ ត្បូង-ត្បូង គាំទ្រដោយទីភ្នាក់ងារសហប្រតិបត្តិការ អន្តរជាតិជប៉ុន (JICA) ។
សូមជម្រាបថា វគ្គហ្វឹកហ្វឺននេះមានរយៈ០១ខែ ដោយ១៥ថ្ងៃហ្វឹកហ្វឺននៅកម្ពុជា និង១៥ថ្ងៃទៀតហ្វឹកហ្វឺននៅប្រទេសឡាវ។
តាមរយៈគម្រោងសហប្រតិបត្តិការត្បូង-ត្បូង ក្រោមការគាំទ្រដោយJICAគិតចាប់ពីឆ្នាំ២០១២ មកដល់បច្ចុប្បន្ន បានអនុវត្តកម្មវិធីហ្វឹកហ្វឺននេះជា៣ដំណាក់កាលដោយមានសិក្ខាកាមទាំងកម្ពុជា និងឡាវចំនួនសរុប២២៨នាក់។
