ឯកឧត្តម កែវ រតនៈ អញ្ជើញជួបសំណេះសំណាល សួរសុខទុក្ខ និងនាំយកអំណោយ ទៅចែកជូនដល់កងពលតូចអន្តរាគមន៍លេខ១៤
ភ្នំពេញ៖ ឯកឧត្តម កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកអគ្គិសនីកម្ពុជា និងជាប្រធានក្រុមការងាររាជរដ្ឋាភិបាល ចុះមូលដ្ឋានស្រុកក្រគរ និងស្រុកកណ្តៀង, ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងឯកឧត្តម យឹម ពិសិដ្ឋ ប្រធានអាជ្ញាធរអគ្គិសនីកម្ពុជា នាព្រឹកថ្ងៃទី០៩ ខែមករា ឆ្នាំ២០២៣នេះ បានអញ្ជើញជួបសំណេះសំណាល សួរសុខទុក្ខ និងនាំយកអំណោយ របស់អគ្គិសនីកម្ពុជា និងអាជ្ញាធរអគ្គិសនីកម្ពុជា ទៅចែកជូនដល់នាយទាហាន នាយទាហានរង និងពលទាហាន នៃកងពលតូចអន្តរាគមន៍លេខ១៤ ដែលអង្គភាពសម្ព័ន្ធមេត្រីភាពនឹងគ្នា។
ពិធីនេះត្រូវបានធ្វើឡើង នៅបរិវេណទីបញ្ជាការដ្ឋានកងពលតូចអន្តរាគមន៍លេខ១៤ ដោយបានការចូលរួមពីលោកអភិបាលរងនៃគណៈអភិបាលខេត្ត, ប្រធាន អនុប្រធានមន្ទីរអង្គភាពនានាជុំវិញខេត្ត, ក្រុមការងារអគ្គិសនីកម្ពុជា, អាជ្ញាធរស្រុក ឃុំ និងបងប្អូនកងទ័ព ប្រមាណជិត១ពាន់នាក់។
អំណោយរបស់អគ្គិសនីកម្ពុជា និងអាជ្ញាធរអគ្គិសនីកម្ពុជា ដែលត្រូវចែកជូនដល់នាយទាហាន នាយទាហានរង និងពលទាហាន នៃកងពលតូចអន្តរាគមន៍លេខ១៤ រួមមាន៖ មី៥០០កេស, ប៊ីចេង១០កេសធំ, ត្រីខកំប៉ុង៥០កេស, ត្រីងៀត១០០គីឡូក្រាម, សាច់ក្រក១០០គីឡូក្រាម, ប្រហុកសាច់១០០គីឡូក្រាម, ឆៃប៉ូវផ្អែម១០០គីឡូក្រាម, ទឹកត្រី និងទឹកស៊ីអ៉ីវ៤០០យួរ និងថវិកាជូនអង្គភាពកងពលតូចលេខ១៤ ចំនួន២,៥០០ដុល្លារ សរុបជាទឹកប្រាក់ ចំនួន១២,៦២០ដុល្លារ ៕
