អភិបាលខេត្តកំពង់ឆ្នាំង ដឹកនាំក្រុមការងារខេត្ត និងអាជ្ញាធរមូលដ្ឋានចុះអន្តរាគមន៍ដោះស្រាយករណីទឹកភ្លៀងលិចផលដំណាំប្រជាពលរដ្ឋនៅក្នុងភូមិកោះក្របី សង្កាត់ផ្សារឆ្នាំង
ភ្នំពេញ៖ ដោយសារភ្លៀងធ្លាក់ជាប់គ្នាច្រើនម៉ោងទាំងយប់ទាំងថ្ងៃកាលពីថ្ងៃម្សិលម៉ិញនេះ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង នាព្រឹកថ្ងៃទី១១ ខែមករា ឆ្នាំ២០២៣នេះ បានដឹកនាំក្រុមការងារខេត្ត និងអាជ្ញាធរមូលដ្ឋានចុះអន្តរាគមន៍ដោះស្រាយករណីទឹកភ្លៀងលិចផលដំណាំប្រជាពលរដ្ឋនៅក្នុងភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំង។
ឯកឧត្តមអភិបាលខេត្ត បានចាត់ឲ្យលោកប្រធានមន្ទីរសាធារណការ និងដឹកជញ្ជូន បញ្ជូនគ្រឿងចក្រមកកាយប្រឡាយរំដោះទឹកជូនប្រជាពលរដ្ឋជាបន្ទាន់ ហើយរហូតមកដល់ពេលរសៀលនេះ ក្រុមការងារបានជីកប្រឡាយរំដោះទឹករួចរាល់ជូនបងប្អូនប្រជាពលរដ្ឋ ៕
